حضرات اٹھتے تو  آپ صَلَّی اللہُ عَلَیْہِ وَ آلِہٖ وَسَلَّم کہیں تشریف لے جاتے تھے، یہاں تک کہ آپ اپنی کسی ضرورت کے تحت بھی تشریف نہیں لے جاتے تھے۔ ^([1])

تم عرش کے تاجدار مولی                                                                                        تم فرش کے باوَقار آقا

اس شان کے ہم نے کیا کسی نے                                             دیکھے نہیں زِینْہَار آقا

سرکار کے تاجدار بندے                                                                                       سرکار ہیں تاجدار آقا^([2])

وضاحت:یا رسولَ اللہ ِ صَلَّی اللہُ عَلَیْہِ وَ آلِہٖ وَسَلَّم!آپ  عرش کے تاجدار اور زمین پر عزّتوں والے ہیں۔جیسی آپ کی شان ہے ایسا نہ کوئی ہم نے دیکھا نہ کسی اور نے بلکہ آپ جیسا کوئی ہے ہی نہیں، جیسے  آپ صَلَّی اللہُ عَلَیْہِ وَ آلِہٖ وَسَلَّم اللہ پاک  کے مَحْبُوب   اور اُس کی خدائی کے تاجدار ہیں آپ کی عطا سے آپ کے غلام بھی تاجدار ہیں عزتوں والے ہیں۔

صَلُّوْا عَلَی الْحَبِیْب!          صَلَّی اللہُ عَلٰی مُحَمَّد

اَصْحابِ صُفّہ کا ذوقِ عِبَادت

پیارے اسلامی بھائیو! ہم نے 2آیاتِ کریمہ سُنیں، ان دونوں آیات میں ارشاد ہوا:



یَدْعُوْنَ رَبَّهُمْ بِالْغَدٰوةِ وَ الْعَشِیِّ یُرِیْدُوْنَ وَجْهَهٗ       (پارہ:15، سورۂ کہف:28)

تَرْجمۂ کَنْزُالعِرْفان:صبح و شام اپنے ربّ کو پکارتے ہیں اس کی رضا چاہتے ہیں ۔

 اَصْحابِ صُفّہ  کا ذوقِ عبَادت دیکھیے! کتنا کمال کا ہو گا، رَبِّ کریم گواہی دے رہا ہے کہ اَصْحابِ صُفّہ عِبَادت گزار ہیں، صبح شام عِبَادت کرتے ہیں اور عبادت بھی کیسی...؟ ریاکاری والی نہیں؟ دکھاوے والی نہیں بلکہ یعنی اَصْحابِ صُفّہ نہایت اِخْلاص کے