اجتماع میں شرکت کی چاشنی

ایک اسلامی بھائی کے خط کا خلاصہ ہے کہ میرا تَعَلُّق بدمذہب گھرانے سے تھا ۔ دعوت اسلامی سے منسلک ہونے کی سعادت یوں نصیب ہوئی کہ ایک مرتبہ ایک دعوتِ اسلامی والے عاشقِ رسول اسلامی بھائی سے ملاقات ہوئی۔ انہوں نے مجھے ہفتہ وارسنّتوں بھرے اجتماع میں شرکت کی دعوت پیش کی جسے میں نے نا چاہتے ہوئے بھی قبول کر لیا۔ جب میں اجتماع میں شریک ہوا تو وہاں ہونے والے پرسوز بیان اور رقت انگیز دعا نے میرے دل میں انقلاب پیدا کر دیا ، جس کی وجہ سے مجھے قلبی سکون ملا۔ بس پھر تو اجتماع میں شرکت کرنا میرا معمول بن گیا۔ گھروالوں کو معلوم ہوا تو انہوں نے رکاوٹیں ڈالنا شروع کر دیں۔ اللہ پاک کی عطا کردہ توفیق سے میں کسی نہ کسی طرح اجتماع میں پہنچ ہی جاتا۔ اب میرا نیکیاں کرنے کا جذبہ روزبروز بڑھتا جا رہا تھا۔ میرے اخلاق میں بہتری آنا شروع ہو گئی ، گھر والوں نے جب میرے اخلاق و کردار میں پیدا ہونے والی تبدیلی دیکھی تو آہستہ آہستہ انہوں نے بھی نرمی کرنا شروع کردی۔ اَلحمدُ لِلّٰہ! اجتماع کی برکت سے اچھے عقائد اپنانے ، سر پر عمامہ شریف سجانےاور سنّت کے مُطَابِق داڑھی رکھنے کی سعادت نصیب ہوئی۔

تِرا شکر مولا دیا دینی ماحول                                                                                             نہ چھوٹے کبھی بھی خدا دینی ماحول

سلامت رہے یاخدا دینی ماحول                                                               بچے بد نظر سے سدا دینی ماحول

صَلُّوْا عَلَی الْحَبِیْب!          صَلَّی اللہُ عَلٰی مُحَمَّد

فتاوٰی رضویہ موبائل ایپلی کیشن

اے عاشقانِ رسول ! اَلحمدُ لِلّٰہ! عاشقانِ رسول کی دینی تنظیم دعوتِ اسلامی کے آئی ٹی