Book Name:Chaar Lazzat Bhari Ibaadaat
محبوبِ مصطفےٰ بھی ہے عثمانِ ذُوالنّورین اِک پیکرِ سخا بھی ہے عثمانِ ذُوالنّورین
جس سے حیا خدا و حبیبِ خُدا کریں وہ صاحبِ حیا بھی ہے عثمانِ ذُوالنّورین
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
اچو! حضرت عثمانِ غني رَضِیَ اللہُ تَعَالٰی عَنْہُ جو هڪ فرمان ٻڌون ٿا. پاڻ فرمائن ٿا: مون عبادت جو لطف 4 شين ۾ ماڻيو آهي: (1): فِیْ اَدَاءِ فَرَائِضِ اللہِ يعني الله پاڪ جي فرضن جي ادائيگي ۾، (2): فِیْ اِجْتِنَابِ مَحَارِمِ اللہِ يعني الله پاڪ جي حرام ڪيل شين کان بچڻ ۾، (3): فِی الْاَمْرِ باِلْمَعْرُوْفِ اِبْتِغَاءِ ثَوَابِ اللہِ ثوابِ الله يعني رضاءِ الاهيءَ جي حصول لاءِ نيڪي جي دعوت ڏيڻ ۾، (4): فِی الْنَہْیِ عَنِ الْمُنْکَرِ اِتِّقَاءِ غَضْبِ اللہِ ۽ الله پاڪ جي غضب کان بچڻ لاءِ برائي کان منع ڪرڻ ۾. (نیکی کی دعوت، ص:217)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
اسان وٽ عام طور تي ذهنن ۾ هي وسوسو رهندو آهي ، اوهان کي ڪيترائي ماڻهو هي چوندي نظر ايندا ته عبادت ۾ دل نٿي لڳي، لطف نٿو اچي، لذت نٿي ملي. ڪي نادان ته ان ڪري عبادت ڪرڻ ئي ڇڏي ڏيندا آهن، پهريان نماز پڙهندا هئا، هاڻي ڇڏي ويا، پڇو: ڀاءُ! نماز ڇو ڇڏي ڏني؟ چوندا: نماز ته دل جي هوندي آهي، دل ئي نٿي لڳي ته نماز پڙهڻ جو فائدو ڪهڙو آهي. ٭ ڪيترا ماڻهو آهن، تلاوت نٿا ڪن. ڇو؟ دل نٿي لڳي. درود پاڪ نٿا پڙهن. ڇو؟ دل نٿي لڳي. عبادت ۾ لذت نصيب نٿي ٿئي
الامان والحفيظ...!! هي به شيطان جو دوکو آهي. ذهن ۾ رکو! عبادت ۾ دل لڳڻ سٺي ڳالهه آهي، سعادت جي ڳالهه آهي پر دل نٿي لڳي ته عبادت ڇڏڻي ناهي، لڳل رهڻو آهي. شيخ طريقت، امير اهلسنت دَامَتْ بَرَکاتُهمُ العاليه فرمائن ٿا: دل لڳي نه لڳي، توهان لڳل رهو. يعني عبادت ڇڏڻي ناهي، دل نه به لڳي، تڏهن به عبادت ڪندو ئي رهڻو آهي.