دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

پیارے اسلامی بھائیو ! حج کا پُر بہار موسم جاری و ساری ہے ، حج کے اَیّام چل رہے ہیں * خوش نصیب ، سَعادت مَندعاشقانِ رسول حج کی سعادت حاصل کررہے ہیں * طَوافِ کعبہ * صفا و مروہ کی سَعْی * مِنٰی میں حاضری * میدانِ عرفات اور مزدلفہ کا قیام ،  یہ ساری سَعادتیں لُو ٹنے کے بعد عاشقانِ رسول دِلوں میں عشقِ رسول کے چراغ روشن کئے * آنکھوں میں آنسو لئے * تڑپتے ، لرز تے ہوئے * خوشی میں جھومتے ہوئے اپنے کریم آقا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  کے دربارِ عَالِی شان میں ، روضۂ پُرنُور پر حاضری دیں گے ، یہ کیسے خوش نصیب لوگ ہوں گےکہ جن کو آقائے دو جہاں ، سرورِ ذیشاں صلی اللہ عَلَیْہِ وَ آلِہٖ وَسَلَّم   نے اپنے دَر کی حاضری کا اِذْن عطا فرمائیں گے ، کاش... ! وہ دن بھی آئے ، ہم گناہ گاروں کو بھی یہ سَعادت ملے ، مدینے سے بُلاوا  آئے اور ہم گنہگاروں کو بھی مدینۂ مُنَوَّرَہ حاضری کی سَعادت  نصیب ہو جائے۔

عاشقِ مدینہ ، امیرِ اہلسنت حضرت  علامہ مولانا محمد الیاس عطّار ، قادری ، رضوی دَامَتْ بَرَکاتُہُمُ الْعَالِیَہ اپنے کریم آقا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  کے دربار میں اِسْتِغاثَہ پیش کرتے ہیں۔

بُلا لو پھر مجھے اے شاہِ بحرو بَر مدینے میں           میں پھر روتا ہوا آؤں تِرے دَر پر مدینے میں

سلامِ شوق کہنا حاجیو ! میرا بھی رَو رَو کر              تمہیں آئے نظر جب روضۂ انور مدینے میں

وہاں اک  سانس مل جائے یِہی ہے زِیست کا حاصل  وہ قسمت کا دَھنی ہے جو گیا دم بھر مدینے میں ^{( [1] )}