Book Name:Shoq e Madina
نمازِ فجر کےلیے لوگوں کو جگاتے ہوئے مسجد تشریف لاتے تھے۔ ( [1] ) آئیے ! بطورِ ترغیب ایک مدنی بہار سنتے ہیں :
پنجاب کے علاقے اِلٰہ آباد ( ضلع قصور ) کے رہنے والے ایک اسلامی بھائی کے بیان کا خلاصہ ہے : الحمد للہ ! میں دَعْوَتِ اِسْلَامی کے دینی مَاحَول سے وَابَسْتہ تو تھا لیکن دینی کاموں کے سلسلے میں سُستی کا شِکار تھا ، ایک روز ایک ذِمَّہ دار اسلامی بھائی نے مجھے سمجھاتے ہوئے دینی کام کرنے اور بطورِ خاص فجر کے لئے مسلمانوں کو جگانے والے دینی کام کی خوب پابندی کرنے کی ترغیب دلائی ، الحمد للہ ! میرا ذِہْن بن گیا اور میں نے اگلے ہی دن اس پر عَمَل شروع کر دیا۔ فجر کے لئے مسلمانوں کو جگانا تو کیا شروع کیا ، اللہ پاک اور اس کے پیارے حبیب صلی اللہ عَلَیْہِ وَ آلِہٖ وَسَلَّم کا کرم ہو گیا ، قسمت کا سِتارا یوں چمکا کہ اسی سال مجھے حاضریِ مدینہ کی سَعَادت نصیب ہو گئی ، اس پر مزید کرم یہ بھی ہوا کہ میرے بڑے بھائی کو بھی حج کی سَعَادَت نصیب ہو گئی۔
صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد
اَلْحَمْدُ لِلّٰہ دعوتِ اسلامی کے80سے زائد شعبہ جات میں سے ایک شعبہ ” نیک اعمال “ بھی ہے۔شیخِ طریقت ، امیرِ اہلسنَّت دَامَتْ بَرَکاتُہُمُ الْعَالِیَہ کی خواہش کے مُطابق اسلامی بھائیوں ، اسلامی بہنوں اورجامعاتُ المدینہ و مَدارِسُ المدینہ کے طلبہ و طالبات کو باعمل