جاتے ہیں * سیٹھ ملازِم کو ذلیل کرتے نہیں شرماتا ، سب کے سامنے اس کی عزّتِ نفس  کو تار تارکر کے رکھ دیتا ہے * صدقہ خیرات کرنا ہوتو بعض امیر شہرت کے چکر میں غریبوں کی تصویریں بناتے ، اپنی نام نہاد سخاوت کا چرچا کرتے اور بےچارے غریب کی عزّتِ نفس کے ساتھ کھیلتے ہیں * شادی بیاہ میں بعض دفعہ غریب رشتے داروں کو ذلیل کر دیاجاتا ہے بلکہ اب تو وَنْ کَلِکْ ( One Click )  فارمولا بھی آگیا ، لوگ ہنسی مذاق   ( یعنی Prank ) کے نام پر دوسروں کا مذاق بنا کر سوشل میڈیا پر ڈالتے اور لاکھوں کروڑوں کے سامنے بےچاروں کی عزّت پامال کر ڈالتے ہیں۔

سود سے بڑا گُنَاہ

حضور نبئ پاک ، صاحبِ لَوْلاک صلی اللہ عَلَیْہِ وَ آلِہٖ وَسَلَّم  نے صحابۂ کرام عَلَیْہِمُ الرِّضْوَان  سے دریافت فرمایا : کیا تم جانتے ہو کہ اللہ پاک کے نزدیک سود سے بڑا گناہ کون سا ہے ؟ صحابۂ کرام عَلَیْہِمُ الرِّضْوَان  نے عرض کیا : اللہ وَ رَسُوْلُہٗ اَعْلَم یعنی اللہ پاک اور اس کا رسول صلی اللہ عَلَیْہِ وَ آلِہٖ وَسَلَّم  بہتر جانتے ہیں۔ تو آپ صلی اللہ عَلَیْہِ وَ آلِہٖ وَسَلَّم نے ارشاد فرمایا : بے شک اللہ پاک کے نزدیک سود سے بڑھ کر گناہ مسلمان کی عزت کو حلال سمجھنا ہے۔     ^{( [1] )}

صَلُّوْا عَلَی الْحَبیب !                                                                                                صَلَّی اللّٰہُ عَلٰی مُحَمَّد

اے عاشقانِ رسول ! جب اللہ پاک نے ، اس کے پیارے محبوب صلی اللہ عَلَیْہِ وَ آلِہٖ وَسَلَّم  نے مسلمان کو ایسی عزّتوں سے نوازا ہے تو ہم پر لازِم ہے کہ ہم  دوسروں کی عزّت کریں ، انہیں تعظیم و تکریم دیں اور کسی صُورت بھی دوسروں کی عزّتِ نفس پامال نہ کیا کریں۔