بُلایا ، اس پر فرشتے لعنت کرتے ہیں۔ ^{( [1] )}   

صَلُّوْا عَلَی الْحَبیب !                                                                                                صَلَّی اللّٰہُ عَلٰی مُحَمَّد

 ( 4 ) : بدگمانی مت کیجئے... !

اجتماعی زندگی کے آداب میں سے چوتھا ادب اللہ پاک نے یہ بیان فرمایا :

یٰۤاَیُّهَا الَّذِیْنَ اٰمَنُوا اجْتَنِبُوْا كَثِیْرًا مِّنَ الظَّنِّ٘-اِنَّ بَعْضَ الظَّنِّ اِثْمٌ   ( پارہ : 26 ، سورۂ حجرات : 12 )

ترجَمہ کنزُ الایمان : اے ایمان والو بہت گمانوں  سے بچو بے شک کوئی گمان گناہ ہوجاتا ہے۔

تفسیر صراط الجنان میں ہے : آیت کے اس حِصّے میں اللہ پاک نے مسلمانوں کو بہت زیادہ گمان کرنے سے منع فرمایا کیونکہ بعض گمان ایسے ہیں جو محض گُنَاہ ہیں ، لہٰذا احتیاط کا تقاضا یہ ہے کہ گمان کی کثرت سے بچا جائے۔ ^{( [2] )}   

گمان کی 3 اقسام

عُلما فرماتے ہیں : گمان  ( یعنی ہمارے دِل میں آنے والے خیالات شرعی حکم کے اعتبار سے )  3 قسم کے ہیں :  ( 1 ) : واجب : جیسے اللہ پاک کے ساتھ اچھا گمان رکھنا ( 2 ) : مستحب : جیسے نیک مسلمان کے ساتھ اچھا گمان رکھنا ( 3 ) : ممنوع و حرام : جیسے اللہ پاک کے ساتھ برا گمان رکھنا ، یونہی کسی مسلمان کے لئے بدگمانی کرنا کہ یہ حرام ہے۔  ^{( [3] )}