Ilm e Deen Kay Fazail

چھوڑتے ہیں ، پَس جس نے عِلْمِ ( دین ) حاصِل کیا ، اس نے بڑا حِصَّہ حاصِل کر لیا۔^{( ^[1] )}

سُبْحٰن اللہ ! پیارے اسلامی بھائیو ! غور فرمائیے ! طالِبِ عِلْمِ دین کی کیسی بلند شان ہے ، طالِبِ عِلْمِ دین کے لئے جنّت کا راستہ آسان کر دیا جاتا ہے ، طالِبِ عِلْمِ دین کے لئے فرشتے اپنے پَر بچھاتے ہیں ، طالِبِ عِلْمِ دین کے لئے زمین و آسمان کی تمام مخلوق ، فرشتے ، درخت ، پتھر ، چرند ، پرند ، یہاں تک کہ مچھلیاں بھی دُعائے مغفرت کرتی ہیں اور اَہَم ترین فضیلت یہ کہ عُلَمائے دِین انبیائے کرام علیہمُ السَّلام کے وارِث ہیں۔ حُجَّۃُ الْاِسْلام امام محمد بن محمد غزالی رَحمۃُ اللہ عَلَیْہ فرماتے ہیں : جس طرح نبوت سے بڑھ کر کوئی مرتبہ نہیں ، اسی طرح نبوت کی وراثت ( یعنی عِلْمِ دین ) سے بڑھ کر کوئی عظمت نہیں۔^{( ^[2] )}

( 3 ) : عُلَما کی فضیلت ایسی ہے جیسے... ! !

تِرمذی شریف میں حدیثِ پاک ہے ، حضرت ابواُمامَہ باہَلی رَضِیَ اللہ عنہ فرماتے ہیں : سرورِ عالَم ، نورِ مجسم صلی اللہ عَلَیْہِ وَ آلِہٖ وَسَلَّم کی پاک بارگاہ میں ایک عبادت گزار اور ایک عالِم کا ذِکْر کیا گیا ، اس پر دوجہاں کے تاجدار ، مکی مدنی سردار صلی اللہ عَلَیْہِ وَ آلِہٖ وَسَلَّم نے فرمایا : فَضْلُ العَالِمِ عَلَى العَابِدِ كَفَضْلِي عَلَى اَدْنَاكُم یعنی عالِمْ کی فضلیت عبادت گزار پر ایسی ہے جیسی میری فضیلت تمہارے ادنیٰ ( یعنی سب سے کم رُتبے والے ) پر۔^{( ^[3] )}

[1]...ابن ماجہ ، مقدمہ ، باب فضل العلم ، صفحہ : 49 ، حدیث : 223۔

[2]...احیاءُالعلوم مترجم ، جلد : 1 ، صفحہ : 45۔

[3]...ترمذی ، ابواب العلم ، باب ما جاء فی فضل الفقہ ، صفحہ : 632 ، حدیث : 2685۔

Important

Mobile Apps

Contact Us