صَلُّوْا عَلَی الْحَبِیْب !                                                     صَلَّی اللہ عَلٰی مُحَمَّد

 * امیری و غریبی کے شر سے نجات کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق” امیری و غریبی کے شر سے نجات کی دعا“یادکروائی جائےگی۔وہ دُعایہ ہے :

اَللّٰھُمَّ اِنِّی اَعُوْذُ بِکَ مِنْ فِتْنَۃِ النَّارِ وَ عَذَابِ النَّارِ وَمِنْ شَرِّ الْغِنَی وَالْفَقْرِ ۔

( سنن ابو داود ، باب فی الاستعاذۃ ، ۲ / ۱۲۹ ، حدیث : ۱۵۴۳ )

ترجمہ : اے اللہ ! میں آگ کی آزمائش اور قبر کے عذاب اور مالداری اور گربت کے شر سے تیری پناہ مانگتا ہوں۔  ( فیضانِ دعا ، ص ۳۱۹ )

صَلُّوْا عَلَی الْحَبِیْب !                                        صَلَّی اللہ عَلٰی مُحَمَّد

 * اجتماعی جائزے کا طریقہ ( 72نیک اعمال  (

فرمانِ مُصْطَفٰے صَلَّی اللہ عَلَیْہِ واٰلِہٖ وَسَلَّمَ  :  ( آخرت کے معاملے میں ) گھڑی بھر غور و فکر کرنا 60 سال کی عبادت سے بہتر ہے۔ ( جامع صغیرللسیوطی ، ص۳۶۵ ، حدیث : ۵۸۹۷ )

                   آئیے ! نیک اعمال کا رسالہ پُر کرنے سے پہلے ”اچھی اچھی نیتیں“کرلیجئے۔

 ( 1 ) رِضائے الٰہی کے لئے خود بھی نیک اعمال کے رِسالے سے اپنا جائزہ  لوں گا اور دوسروں کو بھی ترغیب دوں گا۔

 ( 2 ) جن نیک اعمال پر عمل ہوا اُن پر اللہ پاک کی حمد  ( یعنی شکر ) بجا لاؤں گا۔

 ( 3 ) جن پر عمل نہ ہوسکا اُن پر افسوس اورآئندہ عمل کرنے کی کوشش کروں گا۔

 ( 4 ) گناہوں سے بچانے والے کسی نیک عمل پر خدا نخواستہ عمل نہ ہوا تو  تَوبہ و استغفار کے ساتھ ساتھ آئندہ گناہ نہ کرنے کا عہد کروں گا ۔