Ilm e Deen Kay Fazail

* اِسی طرح ہر ایک کیلئے حلال و حرام کے مسائِل بھی سیکھنا فرض ہے * مسائلِ قلب ( باطِنی مسائل ) یعنی باطِنی فرائض مَثَلًا عاجِزی و اِخلاص اور توکُّل وغیرہ اوران کو حاصِل کرنے کا طریقہ * اسی طرح باطِنی گناہ مَثَلًا تکبُّر ، رِیاکاری ، حَسَد ، بدگمانی ، بغض و کینہ ، وغیرہ اوران کا علاج سیکھنا بھی ہر مسلمان پر فرض ہے * اسی طرح مُہلِکاتیعنی ہَلاکت میں ڈالنے والی چیزوں جیسا کہ وعدہ خِلافی ، جھوٹ ، غیبت ، چغلی ، بہتان ، بدنِگاہی ، دھوکا ، ایذاءِ مسلم وغیرہ وغیرہ تمام صغیرہ وکبیرہ گناہوں کے بارے میں ضَروری اَحکام سیکھنا بھی فرض ہے تاکہ اِن سے بچا جا سکے۔

دُنیوی عِلْم سیکھنے کی شرائط

پیارے اسلامی بھائیو ! آج کل دُنیوی عُلُوم سیکھنے کا رُجْحان بہت بڑھ گیا ہے ، بہت سارے مسلمان اپنے دُنیوی مستقبل کو سنوارنے کی خاطر دُنیوی عُلُوم سیکھتے اور اس کے لئے بہت محنت و مشقت اُٹھاتے ہیں۔ بےشک دُنیوی عِلْم سیکھنے کے دُنیوی طَور پر فائدے بھی ہیں اور دُنیوی عِلْم سیکھنے کو مطلقاً ناجائِز بھی نہیں کہا جا سکتا ، البتہ دُنیوی عِلْم سیکھنے کے لئے کچھ شرائط ہیں ، انہیں پُورا کرنا ضروری ہے۔ سیدی اعلیٰ حضرت ، امامِ اہلسنت شاہ امام احمد رضا خان رَحمۃُ اللہ عَلَیْہ فرماتے ہیں : *-وہ عُلُوم جن میں کفریات کی تعلیم ہو ، ان کا پڑھنا حرام ہے *-ہاں ! جائِز عُلُوم ( جن میں اسلامی عقائد و تعلیمات کے خِلاف باتیں نہ ہوں ، وہ عُلُوم ) جائِز نوکری کے لئے پڑھنا جائِز ہے *-جبکہ ان میں ایسا مشغول نہ ہو کہ دِین کا ضروری عِلْم نہ سیکھ پائے ، ورنہ وہ دُنیوی عِلْم جو فرض عِلْمِ دِین سیکھنے سے باز رکھے ، حرام ہے *-اس کے ساتھ یہ بھی ضروری ہے کہ اپنے دِین و اَخْلاق پر اَثَر نہ پڑے *-اسلامی عقائد و خیالات پر

Important

Mobile Apps

Contact Us