اللہ پاک ہم سب کو حقیقی معنوں میں شرعِی اَحْکام پر عَمَل کرنے کی توفیق عطا فرمائے۔

 آمِیْن بِجَاہِ خَاتَمِ النَّبِیِّیْن صَلّی اللہُ عَلَیْہِ وَآلِہٖ وَسَلَّم۔

ہر کام شریعت کے مطابق میں کروں کاش!                       یارَبّ! تُو مبلغ مجھے سُنَّت کا بنا دے^([1])

صَلُّوا عَلَی الْحَبیب!                                                           صَلَّی اللّٰہُ عَلٰی مُحَمَّد 

(2) : نعمتوں کے ذریعے آزمائش کا بیان

اے عاشقانِ رسول! اس دُنیا میں ہم جن آزمائشوں سے گزرتے ہیں ، ان کی دوسری قسم ہے : مختلف نعمتیں۔ عام طور پر مصیبت کو ، پریشانی کو ، تنگدستی اور غربت کو ، بیماری کو ، عزیز رشتہ داروں کی موت وغیرہ کو ہی آزمائش سمجھا جاتا ہے مگر قرآنِ کریم میں غور کرنے سے پتا چلتا ہے کہ آزمائش صِرْف مصیبت و پریشانی میں نہیں ہے ، نعمت ملنا بھی ایک آزمائش ہے۔ اللہ پاک فرماتا ہے :

وَ نَبْلُوْكُمْ بِالشَّرِّ وَ الْخَیْرِ فِتْنَةًؕ- (پارہ : 17 ، سورۂ انبیا : 35)                           

ترجمہ کنز الایمان : اور ہم تمہاری آزمائش کرتے ہیں بُرائی اور بھلائی سے

معلوم ہوا انسان کو صِرْف بُرائی (مثلاً دُکھ ، دَرْد ، غم اور پریشانی) ہی سے نہیں آزمایا جاتا بلکہ بھلائی (مثلاًراحت ، تندرستی ، نعمت ، دولت) دے کر بھی آزمایا جاتا ہے۔

حضرت سلیمان عَلَیْہِ السَّلَام کا حکمت بھرا فرمان

اللہ پاک کےنبی ، حضرت سلیمان عَلَیْہِ السَّلَام کا واقعہ بڑا مشہور ہے ، جب ملکہ بلقیس حضرت سلیمان عَلَیْہِ السَّلَام کی خِدْمت میں حاضِری کے لئے یَمَن سے روانہ ہوئیں ، حضرت