اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ : میں نے سُنَّت اعتکاف کی نِیَّت کی)

پیارے اسلامی بھائیو!  نَوَیْتُ سُنَّتَ الْاِعْتِکَاف کا معنی ہے : میں نے سُنَّت اعتکاف کی نیت کی۔ نیت دِل کے ارادے کو کہتے ہیں ، جب بھی مسجد میں حاضِری نصیب ہو ، یاد کر کے اعتکاف کی نیت کر لیا کیجئے! ذرا سی تَوَجُّہ کی ضرورت ہے ، اِنْ شَآءَ اللہُ الْکَرِیْم! ڈھیروں ثواب ہاتھ آئے گا۔ یاد رکھئے! مسجد میں کھانا ، پینا ، سونا ، سحری افطاری کرنا ، دَم کیا ہواپانی یا آبِ زَمْ زَمْ پینا وغیرہ شرعاً جائِز نہیں ، اعتکاف کی نیت کر لیں گے تو یہ کام بھی جائِز ہو جائیں گے۔

درودِ پاک کی فضیلت

حضرت عَبْدُالرَّحْمٰن بن عَوْف رَضِیَ اللہُ عَنْہ سے روایت ہے : ایک دن نبیوں کے سردار ، مدینے کے تاجدار صَلّی اللہُ عَلَیْہ وآلِہ وسَلَّم  دولت خانے(یعنی گھر مبارک)سے باہَر تشریف لائے اور ایک باغ کی طرف رُخ فرمایا ، حضرت عَبْدُالرَّحْمٰن بن عوف رَضِیَ اللہُ عَنْہ نے دیکھا تو پیچھے پیچھے ہو لئے ، آپ  صَلّی اللہُ عَلَیْہ وآلِہ وسَلَّم  باغ میں داخِل ہوئے ، قبلے کی طرف منہ کیا اور سَر سجدے میں رکھ دیا ، حضرت عَبْدُالرَّحْمٰن بن عوف رَضِیَ اللہُ عَنْہ دُور کھڑے دیکھتے رہے ، فرماتے ہیں : بےکسوں کے مددگار ، سرکارِ عالی وقار  صَلّی اللہُ عَلَیْہ وآلِہ وسَلَّم  نے بہت لمبا سجدہ کیا ، یہاں تک کہ مجھے خوف ہونے لگا کہ کہیں حالتِ سجدہ ہی میں اللہ پاک نے رُوْح مُبَارَک قبض نہ فرما لی ہو ، یہ خیال آتے ہی میں آگے بڑھا ، میرے قدموں کی آواز سُن کر آپ  صَلّی اللہُ عَلَیْہ وآلِہ وسَلَّم