اسے بخش دیا جائے گا۔ ^([1])

سرکارِ مدینہ کے نائِب ہیں میرے خواجہ             اجمیر کی گلیوں میں طیبہ کا نظارہ ہے

خواجہ ذرا دیکھو تو کیا حال ہمارا ہے          ٹوٹی ہوئی کشتی ہے اور دُور کِنَارہ ہے

اجمیر کے عاشِق ہیں ، خادِم ہیں بریلی کے     یہ دَر بھی ہمارا ہے ، وہ دَر بھی ہمارا ہے

خواجہ غریب نواز  رَحمۃُ اللہِ عَلَیْہ  سلطان الہند ہیں

پیارے اسلامی بھائیو! ہمارے خواجہ غریب نواز  رَحمۃُ اللہِ عَلَیْہ  سلطان الہند ہیں اور یہ سلطانی آپ کو شاہِ خشک وتَر ، مکی مدنی سرور  صَلّی اللہُ عَلَیْہ وآلِہ وسَلَّم  نے عطا کی ، ایک مرتبہ خواجہ غریب نواز  رَحمۃُ اللہِ عَلَیْہ  مالکِ دوجہاں ، شاہِ زمین وآسماں  صَلّی اللہُ عَلَیْہ وآلِہ وسَلَّم  کے دربارِ عالی میں حاضِر تھے ، سرکارِ عالی وقار  صَلّی اللہُ عَلَیْہ وآلِہ وسَلَّم  کی طرف سے بِشَارت ملی : مُعِیْنُ الدِّیْن!تم ہمارے دین کے مُعِیْن (یعنی مددگار ) ہو ، ہم نے تجھے ہند کی وِلایَت عطا کی ، اجمیر جا! تیرے وُجُود سے بےدینی دُور ہو گی اور اسلام کو رونق ملے گی۔ ^([2])

تیرے پائے کا کوئی ہم نے نہ پایا خواجہ      تُو زمیں والوں پہ اللہ کا سایہ خواجہ

ہند میں آپ ہیں سوغاتِ رسولِ عربی        ہر طرف اَبْرِ کرم آپ کا چھایا خواجہ

خواجۂ خواجگاں غریب نواز غریب نواز                                               قبلۂ عارفاں        غریب نواز غریب نواز

مُرشِدِ ناقصاں  غریب نواز غریب نواز                   رہبرِ کاملاں        غریب نواز غریب نواز

خواجہ غریب نواز  رَحمۃُ اللہِ عَلَیْہ  کے چاہنے والو! الحمد للہ! ہند خواجہ صاحب  رَحمۃُ اللہِ عَلَیْہ   کی دَارُ السَّلْطَنَتْ ہے ، ہر دور میں امیر وغریب ، نیک و بَد ، عالِمِ و جاہِل ، حاکِم ومحکوم ، شاہ و گدا