کرامات دکھا کر ، حُسْنِ اخلاق کے ذریعے ، مسلسل نیکی کی دعوت دے کر دین کا کام کیا ، بہت سارے کافِروں کو کلمہ پڑھایا۔

خواجہ صاحب  رَحمۃُ اللہِ عَلَیْہ  کا ایک مرید راجہ کے ہاں ملازِم تھا ، راجہ کو جب اپنے ملازم کے اسلام قبول کرنے کی خبر ہوئی تو اس پر ظلم کرنے لگا ، حضور خواجہ غریب نواز  رَحمۃُ اللہِ عَلَیْہ  کو پتا چلا تو آپ نے راجہ کو ظلم سے باز رہنے کا حکم بھیجا لیکن وہ ظالم اِقْتِدار کے نشے میں مست تھا ، تکبر سے کہنے لگا : یہ کون ہے جو یہاں بیٹھ کر ہم پر حکم چلاتا ہے؟  خواجہ صاحب  رَحمۃُ اللہِ عَلَیْہ  کو اس کے غرور وتکبر کی خبر ملی تو فرمایا : ہم نے اسے گرفتار کر کے لشکرِ اسلام کے حوالے کر دیا۔ ابھی اس واقعہ کو چند ہی دِن گزرے تھے کہ سلطان مُعِزُّالدِّیْن محمد غوری نے شہر پر حملہ کیا ، راجہ اپنی فوج کے ساتھ مقابلے پر آیا مگر اسلامی لشکر کی جرات وبہادری کے سامنے زیادہ دیر ٹھہر نہ سکا ، آخر ہتھیار ڈال کر عبر تناک شکست سے دوچار ہوا ، مسلمان سپاہیوں نے اسے زِندہ گرفتار کر کے ذِلَّت کے ساتھ سلطان محمد غوری کے سامنے پیش کر دیا۔ ^([1])

راجہ کو شکست دینے کے بعد سلطان محمد غوری  رَحمۃُ اللہِ عَلَیْہ  خواجہ غریب نواز  رَحمۃُ اللہِ عَلَیْہ  کی خدمت میں اجمیر شریف حاضِر ہوئے اور آپ کے دستِ حق پر بیعت کی۔  ^([2])

ہمارے خانۂ دِل میں خیالِ غیر کیا آئے        یہ کاشانہ ہے کاشانہ مُعِیْنُ الدِّیْن چشتی کا

                                                                                                                                                (شاعِر کا نام)

تم ہی اےنوح! دیوانے ہو کیا سارے زمانے میں          زمانہ بھی ہے دیوانہ ، مُعِیْنُ الدِّیْن چشتی کا

سِیَرُ الاَقطاب میں ہے : ایک دِن خواجہ غریب نواز  رَحمۃُ اللہِ عَلَیْہ  شیخ اَوْحَد کِرمانی  رَحمۃُ اللہِ عَلَیْہ  اور شیخ شہاب الدین سہروردی  رَحمۃُ اللہِ عَلَیْہ  کے ساتھ بیٹھے تھے کہ ایک لڑکا تیر کمان لئے