Book Name:Faizan e Khadija tul Kubra
پنهنجي ’’اَمين‘‘ هئڻ جو عملي ثُبوت پيش ڪري اهو به ٻڌايو ته ماڻهن جي مال جي حفاظت ڪرڻ ۽ ان ۾ ڪنهن قسم جي خيانت نه ڪرڻ هر مسلمان بالخُصُوص هڪ سٺي واپاري جي ذِمّيداري آهي۔ حديثِ پاڪ ۾ آهي: بيشڪ سڀ کان پاڪيزه ڪمائي انهن واپارين جي آهي جيڪي ڳالھ ڪن ته ڪوڙ نه ڳالهائن، جڏهن انهن وٽ امانت رکي وڃي ته ان ۾ خيانت نه ڪن، جڏهن وعدو ڪن ته ان جي خلاف وَرزِي نه ڪن۔([1]) ياد رکو! اَمانت ۾ خيانت حرام ۽ جهنَّم ۾ وٺي وڃڻ وارو ڪم آهي ۔ الله عَزَّوَجَلَّ اسان کي امانت ۾ خيانت کان بچڻ جو حڪم ارشاد فرمايو آهي، جيئن سيپاري 9 سُوْرَة ُالْاَنْفَال جي آيت نمبر27 ۾ ارشاد آهي:
یٰۤاَیُّہَا الَّذِیۡنَ اٰمَنُوۡا لَا تَخُوۡنُوا اللّٰہَ وَ الرَّسُوۡلَ وَ تَخُوۡنُوۡۤا اَمٰنٰتِکُمۡ وَ اَنۡتُمۡ تَعۡلَمُوۡنَ ﴿۲۷﴾ |
| تَرْجَمو ڪنز الايمان: اي اِيمان وارو! الله ۽ رسُول سان دغا نه ڪريو ۽ نه پنهنجن امانتن ۾ خيانت ڄاڻي واڻي ڪريو. |
۽ سيپاري 5 سورة النساء جي آيت نمبر 58 ۾ امانتن کي موٽائڻ جو حڪم فرمائيندي ارشاد فرمايو:
اِنَّ اللّٰہَ یَاۡمُرُکُمۡ اَنۡ تُؤَدُّوا الۡاَمٰنٰتِ اِلٰۤی اَہۡلِہَا ۙ |
| تَرْجَمو ڪنز الايمان: بيشڪ الله توهان کي حُڪم ڏئي ٿو ته امانتُون جن جُون آهِن اُنهن جي حوالي ڪريو. |
حديثِ پاڪ ۾ ڪامل مومن جي اها صِفَت بيان ڪئي وئي آهي ته مومن هر عادت اپنائي سگھي ٿو پر ڪوڙو ۽ خيانت ڪرڻ وارو نٿو ٿي