ہو بیاں کس سے تمہاری شان و عظمت یا رسول

جب تمہاری خود خدا کرتا ہے مِدحت یا رسول

(وسائلِ بخشش مُرمّم،ص241)

تقريبِ نِڪاح

پوءِ سرڪارِ عالي وقار،محبوبِ رَبِّ غفّار صَلَّى اللهُ تَعَالٰى عَلَيْهِ وَاٰلِهٖ وَسَلَّم جي اَخلاق و عادتن کان متاثر ٿي حضرتِ خديجه رَضِیَ اللهُ تَعَالٰی عَنْهَا پنهنجي ساهيڙي( نفيسه بنتِ منيه) کي حضور صَلَّى اللهُ تَعَالٰى عَلَيْهِ وَاٰلِهٖ وَسَلَّم جي رِضا معلوم ڪرڻ جي لاءِ موڪليو، حُضُورِ اقدس صَلَّى اللهُ تَعَالٰى عَلَيْهِ وَاٰلِهٖ وَسَلَّم جي رِضا معلوم ڪرڻ کان پوءِ (نفيسه بنتِ منيه) حضرتِ خديجه رَضِیَ اللهُ تَعَالٰی عَنْهَا وٽ آئي ۽ چيائين: مُبارَڪ هجي! محمدِ مُصطفيٰ صَلَّى اللهُ تَعَالٰى عَلَيْهِ وَاٰلِهٖ وَسَلَّم اوهان جي درخواست قَبول ڪئي آهي، ان تي حضرتِ خديجه رَضِیَ اللهُ تَعَالٰی عَنْهَا گھڻيون خوش ٿيون ۽ مَسَرَّت جو اظهار ڪيو۔ پوءِ ڪنهن کي پنهنجي چاچي عَمرو بن اسد وٽ موڪليو ته نڪاح جي وقت اهي به موجود هجن، هوڏانهن حُضُورِ پاڪ صَلَّى اللهُ تَعَالٰى عَلَيْهِ وَاٰلِهٖ وَسَلَّم به ابُوطالِب، حضرتِ حمزه رَضِىَ اللهُ تَعَالٰی عَـنْهُ ۽ ڪجھ ٻين چاچن سان ۽ حضرتِ ابوبڪر صِدِّيق رَضِىَ اللهُ تَعَالٰی عَـنْهُ ۽ قبيله مُضَر جي ٻين سردارن سان حضرتِ خديجه رَضِیَ اللهُ تَعَالٰی عَنْهَا جي گھر تشريف فرما ٿيا ۽ نِڪاح ڪيو۔ نِڪاح جي اها پُر سعيد تقريب سيدِ عالَم، نُورِ مجسم صَلَّى اللهُ تَعَالٰى عَلَيْهِ وَاٰلِهٖ وَسَلَّم جي سفرِ شام تان واپسي جي ٻه (2) مهينه 25 ڏينهن بعد مُنْعَقِد ٿي۔^([1]) ۽ سيدَتُنا خديجه رَضِیَ اللهُ تَعَالٰی عَنْهَا رسولِ ڪريم، رَءُوْفٌ رَّحيم صَلَّى اللهُ تَعَالٰى عَلَيْهِ وَاٰلِهٖ وَسَلَّم جي نڪاح ۾ اچي قيامت تائين جي سڀني مؤمنين جي ماءُ يعني اُمُّ الْمُؤمنين ٿيڻ جو شَرف حاصِل ڪيو۔