غَٹ غَٹاگیا،راہِ ہدایت پاگیا،اسے دعوتِ اسلامی کا مدنی ماحول بھا گیا،وہ سُنّت کی شاہراہ پر آگیا،نَمازوں کی لذّتیں پا گیا،اپنے آپ کو نیک بندوں میں کھپا گیا،تو اِنْ شَآءَ اللہعَزَّ  وَجَلَّ آپ کا بھی بیڑا پار ہو جائے گا۔نبیِّ حاشِر،رسولِ صابِر و شاکِر،محبوبِ رَبِّ قادِر صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے امیرُالمؤمنین حَضْرتِ سیّدُناعَلیُّ الْمرتَضٰی، شیْرِخُدا کَرَّمَ اللّٰہُ تَعَالٰی وَجْہَہُ الْکَرِیْمسے اِرْشاد فرمایا:اے علی! اللہ عَزَّ  وَجَلَّ تمہارے ذَرِیعے کسی شَخْص کو راہِ راست پر لے آئے تو یہ تمہارے لئے اُن تمام چیزوں سے بہتر ہے جن پر سُورج طُلوع ہوتاہے۔(یعنی دُنیا کی تمام چیزوں سے بہتر ہے) (اَلْمُعْجَمُ الْکبِیر لِلطّبَرانی ج ۱ ص ۳۳۲ حدیث ۹۹۴از نیکی کی دعوت۳۰۴)

رہیں بھلائی کی راہوں میں گامزن ہر دم                  کریں نہ رُخ مرے پاؤں گُناہ کا یارَبّ!

کرم سے ”نیکی کی دعوت“ کا خوب جذبہ دے            دوں دُھوم سنَّتِ مَحْبُوب کی مَچا یا رَبّ!

(وسائلِ بخشش  ، ص ۷۷)

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

احادیثِ مُبَارَکہ اور رَجَب کے فضائل

          میٹھے میٹھے اسلامی بھائیو!آئیے”رَجَب“ کے تین حُروف کی نِسْبَت سے رَجَب کی فضیلت پر مُشْتَمِل تین احادیثِ مُبَارَکہ سُنتے ہیں۔ چُنانچہ

1.      پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ایک بار صحابۂ کِرام رِضْوَانُ اللّٰہ ِتَعَالٰی عَلَیْہِمْ اَجْمَعِیْن  سے اِرْشاد فرمایا: تم پر لازِم ہے کہ ماہِ رَجَب  کی راتیں قِیام میں گُزارو اور اُس کے دن روزے کی حالت میں گُزارو۔ اور جو شَخْص  اس مہینے کے کسی دن میں پچاس (رَکْعَت)نماز پڑھے،اس طرح  کہ ہر رَکْعَت میں بَقَدْرِ اِسْتِطَاعت قرآنِ پاک  کی تِلاوت کرے ،تو اللہ عَزَّ  وَجَلَّ اُس شَخْص کو اُس کے بالوں اور رؤوں کی تعداد کے  برابر نیکیاں عطا فرمائے گا۔ (تاریخِ دمشق،٤٣ /٢٩١، ذکر علی بن یعقوب بن یوسف بن