Share this link via
رَجَب کی بہاریں مع نفلی روزوں کے فضائل
اگر ہم یہ عظیمُ الشَّان رات آسانی سے عِبادتِ الٰہی میں گُزارنے کے خواہش مند ہیں تو ہمیں چاہئے کہ عاشقانِ رسول کی صحبت میں ذِکر و نعت کے ان بابرکت اِجْتماعات میں لازمی شِرکت کریں اور زہے نصیب کہ روزہ رکھنے کی بھی سعادت حاصل کریں،اس طرح بآسانی ہماری ساری رات عِبادَت میں بھی گُزر جائے گی اور دن میں روزے کی سعادت بھی حاصل ہوجائے گی۔ اِنْ شَآءَ اللہعَزَّ وَجَلَّ
میٹھے میٹھے اسلامی بھائیو!سانسوں کا کوئی بھروسا نہیں،نجانے کب یہ سانسیں رُک جائیں اور اس کے ساتھ ساتھ ہمارے اَعمال کا سِلسِلہ مَوقُوف ہوجائے۔لہٰذانیکیوں کا کوئی موقع ہاتھ سے نہ جانے دیں،اگر اللہعَزَّ وَجَلَّ کے فَضْل و کَرَم سے زِندگی میں ایک بار پھر رَجَب کا مُبارک مہینہ نصیب ہواتو ہمیں چاہئے کہ اِسے اپنی خُوش قسمتی سمجھتے ہوئے صِرف پہلی اور ستّائیسویں کا روزہ رکھنے کے بجائے جتنا بن پڑا،اس ماہ کے اَکْثَر ایّام روزے کے ساتھ گُزار دیں، کیا خبر یہی ہماری زِندگی کا آخری رَجَب ہو،احادیثِ مُبارکہ میں رَجَب کے نَفلی روزوں کے بہت سے فَضائل بیان کئے گئے ہیں۔آئیے!اس ضمن میں 4 اَحادیثِ مُبَارَکہ سُنتے ہیں۔
نفلی روزوں کے عظیمُ الشان فضائل
1. حَضْرتِ سَیِّدُنا ابُوقِلابہ رَضِیَ اللہُ تَعَالٰی عَنْہُ فرماتے ہیں: رَجَب کے روزہ داروں کےلئے جَنَّت میں ایک مَحَل ہے۔(شُعَبُ الایمان ج۳ص۳۶۸حدیث۳۸۰۲،از فیضانِ سُنّت،ص۱۳۶۵)
2. حَضْرتِ سَیِّدُنا اَنَس بن مالِک رَضِیَ اللہُ تَعَالٰی عَنْہُ سے رِوایت ہےکہ رسول ِ مقبول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اِرْشاد فرمایا: جَنَّت میں ایک نَہْر ہے جسے ”رَجَب“ کہا جا تا ہے جو دُودھ سے زِیادہ سفید اورشہدسے زِیادہ میٹھی ہے تو جو کوئی رَجَب کا ایک روزہ رکھے تو اللہ عَزَّ وَجَلَّ اُسے اُس نَہْر سے سَیْراب کرے گا۔ (شُعَبُ الایمان ج۳ص۳۶۷حدیث۳۸۰۰،از فیضانِ سُنّت،ص۱۳۶۲)
BOOK TOPIC
- دُرود شریف کی فضیلت
- بَیان سُننے کی نیّتیں
- بَیان کرنے کی نیّتیں
- رَجَب کا احترام اور اس کا انعام
- لفظِ رجب کے مختلف معانی
- حُرمت والے4 مہینے
- گُناہوں پر کمر بستہ مُسَلمان
- گُناہ پر گُناہ…… آخر کیوں؟
- رَجَب اللہ عَزَّ وَجَلَّ کا مہینہ ہے
- احادیثِ مُبَارَکہ اور رَجَب کے فضائل
- توبہ کی راہ میں رُکاوٹ
- آؤ گنہگارو!مَغْفرت مانگ لو
- کتاب”مدنی پنج سُورہ“ کا تعارف
- رَجَب کے خاص دن اور راتیں
- نفلی روزوں کے عظیمُ الشان فضائل
- مکتوبِ عطّار
- تین ماہ کے روزے
- رجب کے ابتدائی تین روزوں کی فضیلت
- ﴿1﴾فِرشتے دُعائے مغفِرت کرتے ہیں
- ﴿2﴾ روزہ دار کی ہڈیاں کب تسبیح کرتی ہیں
- جَشْنِ مِعْرَاجُ النَّبِیْ صَلَّی اللّٰہُ تَعَالٰی عَلَیْہِ واٰلِہ وَسَلَّمَ
- آنکھوں کی حفاظت کے لیے مَدَنی پھول
- مجْلسِ حج و عمرہ
- بَیان کا خُلاصہ
- 12 مدنی کاموں میں حصہ لیجئے
- نِیّت صاف منزل آسان
- سُرمہ لگانے کے 4 مَدَنی پھول
- دعوتِ اسلامی کے ہفتہ وار سُنَّتوں بھرے اِجْتِماع میں پڑھے جانے والے دُرودِ پاک
