میں کر کے تَوْبہ پلٹ کر گُناہ کرتا ہوں                      حقیقی تَوْبہ کا کردے شَرَف عطا یا رَبّ!

تُوبُوا اِلٰی اللہ                                                                                                                                        اَسْتَغْفِرُاللہ

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

رَجَب اللہ  عَزَّ  وَجَلَّ کا مہینہ ہے

حَضْرتِ سَیِّدُنا انَس رَضِیَ اللّٰہُ تَعَالٰی عَنْہُ  سے مَرْوی ہے کہ رسولُاللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا: خَیْرَ ةُ اللهِ مِنَ الشُّہُوْرِ شَہْرُ رَجَبٍ وَہُوَ شَہْرُ اللہِ، یعنیاللہ عَزَّ  وَجَلَّ  کے پسندیدہ مہینوں میں رَجَب کا مہینہ ہے ،یہ اللہ عَزَّ  وَجَلَّ  کا مہینہ ہے۔ مَنْ عَـظَّـمَ شَہْرَ  رَجَبٍ فَـقَدْ عَـظَّمَ اَمْرَ اللہِ  ،جس نے اللہ عَزَّ  وَجَلَّ  کے مہینے  رَجَبُ الْمُرَجَّب  کی تَعْظِیم  کی ،اُس نے اللہ عَزَّ  وَجَلَّ  کے حکم کی تَعْظِیم  کی ۔ وَ مَنْ عَـظَّمَ اَمْرَ اللہِ اَدْخَلَہُ جَنَّاتِ النَّعِیْـمِ وَ اَوْجَبَ لَہُ رِضْوَانَہُ الْاَکـْبَر“اور جس نے خُدا تعالیٰ کے حکم کی تَعْظِیم  کی اللہ عَزَّ  وَجَلَّ  اُس کو نعمتوں والے باغات   میں داخل کرے گا اور اس کے لئے اپنی بڑی رِضا واجب کرےگا ۔( شعب الايمان:۳/۳۷۴،حدیث ۳۸۱۳)

          میٹھے میٹھے اسلامی بھائیو!یقیناً اِس حدیثِ پاک سے ماہِ رَجَبُ المُرَجَّب کی زبردست شان و عظمت کا پتا چلتا ہے اور وہ اِس طرح کہ یوں تو تمام ہی مہینے اللہ عَزَّ  وَجَلَّ کے ہیں اور سب  کو اُسی نے پیدا فرمایا ہے،لیکن خُصُوصِیَّت کے ساتھ رَجَب کے بارے میں فرمایا گیا کہ  رَجَبُ الْمُرَجَّب،اللہ عَزَّ  وَجَلَّ کا مہینہ ہے۔نیز حدیثِ پاک  میں یہ بھی بَیان  کِیا گیا ہے کہ جس  نے اس مہینے کی تَعْظِیم  کی،اللہ عَزَّ  وَجَلَّ اُسے نعمتوں والے باغات عطا فرمائے گا اور اس سے راضی ہو جائے گا۔  یقیناً ہم میں سے ہر ایک کی خواہش ہے کہ اللہ عَزَّ  وَجَلَّ ہم سے راضی رہے اور ہر کوئی یہ چاہتا ہے کہ وہ عذابِ جَہنَّم سے نَجات پا کر جَنَّت میں چلا جائے۔ تو اس خواہش کی تکمیل کے اسباب میں سے ایک سبب ماہِ رَجَب کی تَعْظِیم  کرنا بھی