روزہ تین سال کا کَفّارہ ہے اور دوسرے دن کا روزہ دو سال کا  اور تیسرے دن کا ایک سال کا کَفّارہ ہے ،پھر ہر دن کا روزہ ایک ماہ کا کفّارہ ہے۔‘‘ (اَلْجامِعُ الصَّغِیر لِلسُّیُوطی ص۳۱۱ حدیث ۵۰۵۱،فَضائِلُ شَہْرِ رَجَب  لِلخَلّال ص  ۶۴)

میں گنہگار گناہوں کے سِوا کیا لاتا                      نیکیاں ہوتی ہیں سرکار نِکو کار کے پاس

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

نفلی روزوں کے بھی کیا فضائل ہیں! اِس ضِمن میں دو احادیثِ مبارَکہ مُلاحَظہ فرما ئیے:

(1)فِرشتے دُعائے مغفِرت کرتے ہیں

حضرتِ سیِدَّتُنا اُمِّ عُمارہ رَضِیَ اللّٰہُ تَعَالٰی عَنْہَا فرماتی ہیں : حضورِ پاک ، صاحبِ لولاک ،سیّاحِ اَفلاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ میرے یہاں تشریف لائے تو میں نے آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی خدمتِ سراپا بَرَکت میں کھانا پیش کیا تو ارشاد فرمایا :” تم بھی کھاؤ۔“ میں نے عرض کی : میں روزے سے ہوں۔ تو رحمتِ عالم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا : جب تک روزہ دار کے سامنے کھانا کھایا جاتا ہے،فِرشتے اس( روزہ دار) کے لیے دُعائے مغفرت کرتے رہتے ہیں ۔  (سُنَنِ تِرمِذی ج ۲ ص ۲۰۵ حدیث ۷۸۵)

(2)روزہ دار کی ہڈیاں کب تسبیح کرتی ہیں

      حضرتِ سیِّدُنابِلالرَضِیَ اللّٰہُ تَعَالٰی عَنْہُ  نبیِّ اَکْرَم، نُورِ مُجَسَّم ، شَاہِ آدم وبنی آدم ، رسُولِ مُحتَشَم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی خدمتِ مُعَظَّم میں حاضِرہوئے، اُس وقت حُضُورِ پُرنُو ر ، شافِعِ یَوْمُ النُّشُوْر صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ناشتا کررہے تھے، فرمایا :” اے بِلال ! ناشتا کرلو۔“ عرض کی:” یَارَسُوْلَاللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ! میں روزہ دار ہوں۔“ تو رسولُاللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنے فرمایا: ہم اپنی روزی کھارہے ہیں