کی ہَلچل سے اُس نے اندازہ لگایا کہ لوگ چاند دیکھ رہے ہیں ،اُس نے اُس عورت سے پوچھا،لوگ کس ماہ کا چاند دیکھ رہے ہیں؟اس نےکہا:” رَجَب  کا۔“وہ شَخْص  حالانکہ غیر مُسْلِم تھا مگررَجَب  شریف کا نام سُنتے ہی تعظیماً فوراً الگ ہوگیا اور” گُناہ کے کام“ سے باز رہا۔حَضْرتِ سَیِّدناعیسیٰ رُوحُ اللہ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام  کوحکم ہوا کہ ہما ر ے فُلاں بندے کی مُلَاقَات کو جاؤ ۔آپ عَلٰی نَبِیِّنَا وَ عَلَیْہِ الصَّلٰوۃُ وَالسَّلَام  تَشْرِیْف  لے گئے اور اللہعَزَّ  وَجَلَّ  کا حُکم اور اپنی تَشْرِیْف  آوری کا سَبَب اِرْشاد فرمایا۔یہ سُنتے ہی اُس کا دِل نورِ اِسْلام سے جگمگا اُٹھا اور اُس نے فوراً اِسْلام قَبول کرلِیا۔(فیضانِ سنّت جلد اوّل ،ص۱۳۵۵)

صَلُّو ا عَلَی الْحَبِیب!                                                       صلَّی اللہُ تَعَالٰی عَلٰی مُحَمَّد

میٹھے میٹھے اسلامی  بھائیو!دیکھیں آپ نے رَجَب  کی بہاریں! رَجَبُ الْمُرَجَّب کی تَعْظِیم  کرکے جب ایک غیر مُسْلِم کو اِیمان کی دولت نصیب ہوگئی تو ذرا سوچئےکہ جو مُسَلمان  ہو کر اِس ماہ کی تَعْظِیم  کرتے ہوئے اس میں گُناہ نہ کرے، جھوٹ، غیبت، چُغلی، فریب، وعدہ خِلافی وغیرہ  وغیرہ گُناہوں سےحتَّی الْاِمْکان بچنے کی کوشش کرے نیز پورا مہینہ عِبادَت و رِیَاضَت میں گُزارے، نمازوں کی پابندی کرے، اِشْراق و چاشْت کے نوافِل پڑھے،نمازِ  تَـهَجُّد ادا کرے ،اس ماہ کے نفلی روزے بھی رکھے، شب میں قِیام و تلاوتِ قُرآن بھی کرےتو ایسا شَخْص اللہ عَزَّ  وَجَلَّ کی طرف سے  کیسے کیسے اِنْعامات و اِکْرامات کا مُسْتَحِقْ ہوگا؟ بہر حال! ہمیں چاہئے کہ جب بھی یہ با بَرَکت  مہینہ تشریف لائےتو اِس میں خُوب خُوب عِبادَت و رِیَاضَت کریں،  تاکہ اللہ عَزَّ  وَجَلَّ کی رَحْمتوں اور بَرَکتوں سے مالامال ہوں۔

صَلُّو ا عَلَی الْحَبِیب!                                                       صلَّی اللہُ تَعَالٰی عَلٰی مُحَمَّد

لفظِ رجب کے مختلف معانی

 شیخِ طریقت،اَمِیْرِ اہلسنّت دَامَتْ بَـرَکاتُہُمُ الْعَالِیَہ  اپنے رسالے”کفن کی واپسی مع رجب المرجب کی