Book Name:Rajab ki Baharain Ma Nafli Rozon kay Fazail
رَضَوی ضِیائی دَامَتْ بَـرَکاتُہُمُ الْعَالِیَہ کو نفلی روزوں سے اِس قَدَر پیار ہے کہ سال کے مَمْنُوع دِنوں کے علاوہ اَکْثر روزہ دار ہوتے ہیں۔آپ دَامَتْ بَـرَکاتُہُمُ الْعَالِیَہ وَقتا فوقتاً اپنے مُریدین و مُحِبّین کو بھی پورے ماہِ رَجَب و شَعْبان کے روزے رکھنے نیز ہر پیر شریف کا روزہ رکھنے کی بھی بھر پُور ترغیب دِلاتے ہیں،آپ دَامَتْ بَـرَکاتُہُمُ الْعَالِیَہ کی ترغیب کی بدولت بہت سے اسلامی بھائی اوراسلامی بہنیں رَجَبُ الْمُرَجَّب اورشَعْبانُ المُعظَّم کے پُورے وَرْنہ اَکْثر دن روزے رکھنے کی بھی سَعادَت حاصل کرتے ہیں۔ اور پیر شریف کا روزہ رکھنے والوں کی تو اچھی خاصی تعداد ہے، کیونکہ پیر شریف کا روزہ رکھنا تو مَدَنی انعامات میں بھی شامل ہے۔ چنانچہ مَدَنی انعام نمبر 58 میں ہے۔کیا آپ نے اس ہفتے پیر شریف (یا رہ جانے کی صُورت میں کسی بھی دن ) کا روزہ رکھا؟ نیز اس ہفتے کم اَزْ کم ایک دن کھانے میں جَو شریف کی روٹی تَناوُل فرمائی؟
عِبادت میں، رِیاضَت میں، تِلاوت میں لگا دے دل
رَجَب کا واسِطہ دیتا ہوں فرما دے کرم مولیٰ
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!آیئے شیخِ طریقت، امیرِ اہلسنّت دَامَتْ بَـرَکاتُہُمُ الْعَالِیَہ کانفلی روزوں کی ترغیب اور فضائل پر مشتمل ایک خوبصورت مکتوب سُنتے ہیں:
مکتوبِ عطّار
بِسْمِ اللّٰہِ الرَّحْمٰنِ الرَّحِیْم طسگِ مدینہ محمد الیاس عطّارؔ قادری رضوی عُفِیَ عَنْہُ کی جانب سے ، تمام اسلامی بھائیوں، اسلامی بہنوں، مَدَارِسُ المدینہ اور جامِعَاتُ المدینہ کے اَساتِذہ، طَلَبَہ، مُعلِّمات اور طالِبات کی خدمات میں کعبهٔ مُشرَّفَه کے گِرد گُھومتا ہوا گُنبدِ خضرا کو چُومتا ہوا رَجَبُ الْمُرَجَّب، شَعْبانُ الْمُعَظَّم اوررَمَضانُ الْمُبارَک کے روزہ داروں کی بَرَکتوں سے مالا مال جُھومتا ہوا سلام،