Behtreen Rasta

اللہ پاک کے آخری نبی حضرت محمد مصطفےٰ   صلَّی اللہ علیہ واٰلہٖ وسلَّم   کا ارشاد ہے:”خَيْرُ الْهُدٰي هُدٰي مُحَمَّدٍ  صلَّی اللہ علیہ واٰلہٖ وسلَّم  “ یعنی بہترین ہدایت محمد   صلَّی اللہ علیہ واٰلہٖ وسلَّم   کی ہدایت ہے۔^([i])

پیارے بچّو! ”هُدٰی“ ایسے راستے کو کہتے ہیں جس میں کوئی برائی نہ ہو اور بے شک ایسے سبھی راستوں میں بہترین راستہ نبیِّ کریم   صلَّی اللہ علیہ واٰلہٖ وسلَّم   کا طریقہ یعنی ان کی سنّت اور سیرتِ پاک ہے اسی لئے قراٰنِ کریم میں بھی بار بار ہمیں نبیِّ کریم   صلَّی اللہ علیہ واٰلہٖ وسلَّم   کی پیروی کا حکم دیا گیا ہے۔

اچھے بچّو! دنیا میں ہر شخص جیسا بننا چاہتا ہے ویسے لوگوں کی ہی پیروی (Follow) کرتا ہے، کامیاب تاجر (Businessman) بننے کے لئے کامیاب تاجروں کی، بہترین قائد (Leader) بننے کے لئے مشہور لیڈرز کی بائیو گرافی پڑھتا اور ان کے اَقوال  اور تجرِبات کو فالو کرتا ہے، اسی طرح ہم اگر دنیا اور آخِرت میں ہر  اعتبار سے کامیابی حاصل کرنے کے ساتھ ساتھ بہترین انسان بننا چاہتے ہیں تو ہمیں نبیِّ کریم   صلَّی اللہ علیہ واٰلہٖ وسلَّم   کی سیرتِ پاک کا مطالعہ (Study) کرنے اور ان کی سنّتوں کے مطابق زندگی گزارنا ہوگی کیونکہ ہر شخص کسی ایک فیلڈ میں کامیاب ہوتا ہے لیکن آپ   صلَّی اللہ علیہ واٰلہٖ وسلَّم   توزندگی کی ہر فیلڈ میں بہترین (Best) تھے اسی لئے قراٰنِ کریم میں آپ کی سیرتِ پاک کو بہترین نمونہ اور حدیثِ پاک میں بہترین ہدایت فرمایا گیا ہے۔^([ii])

اللہ پاک ہمیں نبیِّ کریم   صلَّی اللہ علیہ واٰلہٖ وسلَّم   کی سیرت اور احادیثِ طیبات پڑھنا اور ان پر عمل کرنا نصیب فرمائے۔

ــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــ*…ماہنامہ  فیضانِ مدینہ ، کراچی

پیارے بچّو!حجازِ مقدس میں کئی بابرکت تاریخی مقامات ہیں جن میں سے 5 مقامات کے نام خانوں کے اندر چُھپے ہوئے ہیں ، آپ نے اُوپر سے نیچے ، دائیں سے بائیں حُروف مِلا کر وہ پانچ نام تلاش کرنے ہیں ، جیسے ٹیبل میں لفظِ “ زَم زَم “ کو تلاش کرکے بتایا گیا ہے۔

 تلاش کئے جانے والے 5 نام : (1)صَفا (2)مَروہ (3)عَرَفہ (4)مُزْدَلِفہ (5)مِنیٰ۔

م        ز         د         ل       ف     ص     ف     م      ع

ز         ع       ر         ف     ت     م        ن       ی     ر

د         ل       م        ز         د         ز         د         ل     ف

ل       ص     ن       م        ر         د          ص     م      ص

ف     ف     ص     ز         ف     ل       ف     ر        ف

م        ا          ف     م        ص     ف     م        و        م

ن       ص     ع       ر         ف     ہ         ی       ہ        ن

ــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــ*…ماہنامہ  فیضانِ مدینہ ، کراچی

بچّوں کو قراٰنِ پاک درست پڑھانے اور حافظِ قراٰن بنانے کے لئے  عاشقانِ رسول کی مدنی تحریک “ دعوتِ اسلامی “ کا ایک شعبہ مدرسۃ ُالمدینہ مصروفِ عمل ہے۔ وانڈھی گھنڈوالی میانوالی پنجاب پاکستان میں واقع  “ مدرسۃُ المدینہ فیضانِ مدینہ “ بھی اسی سلسلے کی ایک کڑی ہے۔

 “ مدرسۃُ المدینہ فیضانِ مدینہ (میانوالی) “ کا سنگِ بنیاد (Foundation Stone) امیرِ اہلِ سنّت   دَامَتْ بَرَکَاتُہُمُ الْعَالِیَہ   نے رکھا ، جبکہ تعلیمِ قراٰن کا سلسلہ 15شوّالُ المکرم1430ہجری میں شروع ہوا۔ اس مدرسۃُ المدینہ میں حفظ کی3جبکہ ناظِرہ کی2کلاسز ہیں۔ اب تک (یعنی 2020ء تک) اس مدرسۃُ المدینہ سے کم و بیش65طَلَبہ قراٰنِ کریم حفظ کرنے کی سعادت پاچکےہیں جبکہ200بچّے ناظِرہ قراٰنِ کریم مکمّل کرچکے ہیں۔ اس مدرسۃُ المدینہ سے فارغ ہونے والے15طلبہ نے درسِ نظامی (عالِم کورس)میں داخلہ لیا ہے۔ اللہ پاک دعوتِ اسلامی کے تمام شعبہ جات بشمول “ مدرسۃُ المدینہ فیضان مدینہ (میانوالی) “ کو ترقّی و عُروج عطا فرمائے۔

اٰمِیْن بِجَاہِ النَّبِیِّ الْاَمِیْن   صلَّی اللہ علیہ واٰلہٖ وسلَّم 

اَلْحَمْدُ لِلّٰہِ! دعوتِ اسلامی کےمدارسُ المدینہ میں بچّوں کی تعلیمی کارکردگی کے ساتھ ساتھ ان کی اَخلاقی تربیت پربھی خاصی توجّہ دی جاتی ہے یہی وجہ ہے کہ مدارسُ المدینہ کے ہونہار بچّے اچّھے اَخلاق سے مُزَیّن ہونے کے ساتھ ساتھ تعلیمی میدان میں بھی غیر معمولی کارنامے سرانجام دیتے رہتے ہیں ، “ مدرسۃُ المدینہ فیضانِ مدینہ (میانوالی) “ میں بھی کئی ہونہار مَدَنی ستارے جگمگاتے ہیں ، جن میں سے13 سالہ احمد عبید رضا بن محمد بشیر احمدکے تعلیمی و اخلاقی کارنامے ذیل میں دئیے گئے ہیں ، ملاحظہ فرمائیے :

اَلْحَمْدُ لِلّٰہِ! 10ماہ میں قراٰنِ کریم حفظ کیا ، روزانہ قراٰنِ کریم کی ایک منزل پڑھنے کی سعادت حاصل کرتے ہیں ، نَمازِ پنجگانہ اور اِشراق و چاشت کے پابند ہیں ، 12ماہ میں مدرسہ میں ان کی حاضری کا تناسب%99ہے ، امیرِ اہلِ سنّت   دَامَتْ بَرَکَاتُہُمُ الْعَالِیَہ  کی تحریر کردہ 4کُتب کا مطالعہ کرچکے ہیں نیز امیرِ اہلِ سنّت   دَامَتْ بَرَکَاتُہُمُ الْعَالِیَہ  کی طرف سے مطالعہ کرنے کے لئے ہر ہفتے ملنے والا رسالہ بھی پابندی سے پڑھتے ہیں ، تقریباً ڈھائی سال سے مدنی مذاکرے دیکھنے سننے کا سلسلہ ہے ، 12ماہ سے گھردرس بھی دے رہے ہیں ، مستقبل میں جامعۃُ المدینہ میں پڑھنے اور تَخَصُّص فِی الِفقہ (یعنی مفتی کورس) کرنے کا ارادہ ہے۔