کون لوگ ہیں؟ کہا:یہ لوگوں کا گوشت کھاتے (یعنی غیبت کرتے)تھے اور اُن کی عزّت خراب کرتے تھے۔^([1])

غیبت کی تفصیلی معلومات کے لئے امیر اہلسنت  مولانا الیاس عطار قادری دامت بَرَکاتُہمُ العالیہ کی کتاب غیبت کی تباہ کاریاں کا مطالعہ کیجئے، درس دیجئے۔ یہ کتاب مکتبۃ المدینہ سے قیمتاً خریدیں یا پھر Islamic eBooks Library سے فری میں ڈاؤن لوڈ کر لیں۔

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

10 ہزار میں نے مُعاف کئے

پیارے اسلامی بھائیو! اِمامِ اعظم امام ابوحنیفہ رَحمۃُ اللہ عَلَیْہ بہت سخی تھے، آپ کی عادت مبارک تھی کہ * جتنا مال اپنے اَہْل و عیال پر خرچ کرتے، اتنا ہی صدقہ کرتے * جب کوئی نیا کپڑا پہنتے تو اسی قیمت کا کپڑا علما کو بھی خرید کر دیتے * جب آپ کے سامنے کھانا رکھا جاتا تو جتنا خُود کھاتے، اتنا ہی کھانا کسی غریب کو بھی کھلایا کرتے تھے۔^([2])

ایک مرتبہ آپ سے کسی نے 10 ہزار (دِرْہَم یا دِینار یعنی سونے یا چاندی کے سکّے) قرض لئے، شاید بیچارہ غریب تھا، واپس لوٹا نہ سکا، وعدے کی مُدَّت گزر گئی۔ ایک دِن یُوں ہوا کہ اِمامِ اعظم رَحمۃُ اللہ عَلَیْہ کہیں تشریف لے جا رہے تھے، سامنے سے وہی شخص آتا ہوا دکھائی دیا۔ جیسے ہی اس نے آپ کو دیکھا تو ڈر کر راستہ بدل لیا۔ اب جس گلی میں وہ داخِل ہوا تھا، وہ دوسری طرف سے بند تھی۔ اِمامِ اعظم رَحمۃُ اللہ عَلَیْہ بھی پیچھے تشریف لے گئے اور پوچھا: مجھے دیکھ کر ڈر کیوں گئے؟ عرض کیا: میں نے آپ کا قرض لوٹانا ہے، وعدے کا وقت گزر چکا ہے، مجھے