والِدَینِ نبی!                                                 جنّتی! جنّتی!                                              ہر زوجۂ نبی!                                                    جنّتی! جنّتی!

اور ابو سُفیان بھی!                جنّتی! جنّتی!                                              ہیں معاویہ بھی!                                    جنّتی ! جنّتی! ^([1])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

چاروں اَئمہ برحق ہیں

پیارے اسلامی بھائیو! عِلْمِ فقہ (یعنی دِینی احکام و مسائِل) کے 4اِمام ہیں(1):اِمامِ اعظم (2): امامِ مالِک (3): امام احمد بن حنبل اور (4): امام شافعی رَحمۃُ اللہ علیہم۔ ان کا آپس میں دِینی احکام میں اختلاف ضرور ہے، البتہ سب کے عقائد بالکل درست تھے، سب ہی سُنّی، صحیح العقیدہ، سچّے عاشقانِ رسول تھے، ان سب کے متعلق حدیثوں میں بشارتیں آئی ہیں، مثلاً رسولِ اکرم، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم نے فرمایا: ایک زمانہ آئے گا، لوگ عِلْم ڈھونڈیں گے مگر عالِمِ مدینہ سے زیادہ عِلْم والا انہیں کوئی نہ ملے گا۔^([2]) اس حدیثِ پاک میں عالِمِ مدینہ سے مراد امام مالِک رَحمۃُ اللہ عَلَیْہ ہیں۔^([3]) ایک حدیثِ پاک میں فرمایا: قریش کا ایک عالِم زمین کو عِلْمِ دین سے بھر دے گا۔^([4]) اس حدیثِ پاک میں عالِمِ قریش سے مراد امام شافعی رَحمۃُ اللہ عَلَیْہ ہیں۔^([5]) اسی طرح ایک حدیثِ پاک میں ہے: اگر عِلْم ثُرَیّا (ستارے) پر بھی ہو تو فارِس کے لوگ اسے حاصِل کر لیں گے۔^([6]) محدِّثِینِ کرام فرماتے ہیں: اس حدیث شریف میں