فارسی لوگوں سے اِمامِ اعظم امام ابوحنیفہ رَحمۃُ اللہ عَلَیْہ مراد ہیں۔ ^([1])

اعلیٰ حضرت رَحمۃُ اللہ عَلَیْہ نے کیا خوب کہا:

شافعی مالک احمد امامِ حَنیف                                                                                    چار باغِ امامت پہ لاکھوں سلام^([2])

وضاحت:فقہ کے چاروں آئمہ کرام: (1):امام شافعی (2): عالمِ مدینہ امام مالک (3): امام احمد بن حنبل اور (4):اِمامِ اعظم رَحمۃُ اللہ عَلَیْہم، امامت کے ان چاروں باغوں پر مہکتے ہوئے درود وسلام کے پھول نچھاور ہوں۔

اِمامِ اعظم رَحمۃُ اللہ عَلَیْہ کی علمی شان

حضرت اَزْہَر بن کیسان رَحمۃُ اللہ عَلَیْہ فرماتے ہیں: ایک مرتبہ میری قسمت کا ستارہ چمکا، مجھے خواب میں نبیوں کے نبی، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم کی زیارت نصیب ہوئی، شیخینِ کریمین یعنی حضرت ابو بکر و عمر رَضِیَ اللہ عنہما بھی ساتھ تھے، میں نے حضرت ابوبکر و عمر رَضِیَ اللہ عنہما کی خِدْمت میں عرض کیا: میں رسولِ ذیشان، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم سے کچھ پوچھنا چاہتا ہوں؟ فرمایا: پوچھ لو مگر آواز نیچی رکھنا۔ چنانچہ میں نے ادب کے ساتھ بارگاہِ رسالت میں عرض کیا: (یارسولَ اللہ صَلَّی اللہ عَلَیْہِ وَ آلِہٖ وَ سَلَّم!) ابوحنیفہ کے عِلْم کے متعلق کیا ارشاد ہے؟ فرمایا: ہٰذَا عِلْمٌ اِنْفَتَحِ مِنْ عِلْمِ خِضْر یعنی ابوحنیفہ کا عِلْم وہ ہے جو حضرت خضر عَلَیْہِ السَّلَام کے عِلْم سے پُھوٹ کر نکلا ہے۔^([3])

سُبْحٰنَ اللہ! کیا شان ہے ہمارے امام، اِمامِ اعظم رَحمۃُ اللہ عَلَیْہ کی...!! حضرت خضر عَلَیْہِ السَّلَام