پیارے اسلامی بھائیو!یقیناً سچ ہے:رَحْمَتِ حَقْ بَھَا نَمِی جَوْیَد،رَحْمَتِ حَقْ بَھَانَہ مِی جَوْیَد یعنی اللہ پاک کی رحمت اَعْمال کی کثرت کو نہیں دیکھتی،رحمت کو تو بس ایک بہانہ چاہئے، بعض دفعہ ایک چھوٹا سا عَمَل بھی بڑے سے بڑے گنہگار کی بخشش کا سبب بن جاتا ہے اور اس خوش نصیب شخص کی تو کیا بات ہے،یہ اگرچہ گنہگار تھا مگر چار یارانِ نبی (حضرت ابو بکر و عمر و عثمان و علی رَضِیَ اللہُ عنہم) سے محَبَّت کرتا تھا،ہر نَماز کے بعد ان کے حق میں دُعا کیا کرتا تھا، اس کا یہی عمل بارگاہِ اِلٰہی میں قبول ہوا اور اس کی بخشش کا ذریعہ بن گیا۔

پیارے اسلامی بھائیو! مختصر(Short)  سِی دُعا ہے، ہم بھی یہ دُعا یاد کر لیں، عربی میں نہ ہو سکے تو اپنی مادری   زبان ہی میں ہر نَماز کے بعد ہم بھی یہ دُعا کر لیا کریں : اَللّٰہُمَّ ارْضِ عَنْ اَبِیْ بَکْرٍ وَ عُمَرَ وَ عُثْمَانَ وَ عَلَیٍ وَ ارْحَمْنِیْ بِحُبِّہِمکیا خبر! ہم پر بھی رحم ہو جائے اور اسی دُعا کی بَرَکَت سے ہی ہماری بخشش و مغفرت ہو جائے۔

جینا مرنا اُن کی اُلفت میں ہو یارَبّ! اور ہو قُرب جنّت میں عطا اَصْحاب و اَہْلِ بیت کا

حشر میں مجھ کو شفاعت کی عطا خیرات ہو      واسطہ یا مصطفےٰ! اَصْحاب و اَہْلِ بیت کا

دے گُنَاہوں سے نجات اور متقی مجھ کو بنا                  یااِلٰہی!  واسطہ  اَصْحاب  و  اَہْلِ  بیت  کا^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

پیارے اسلامی بھائیو!جُمَادَی الْاُخْریٰ(یعنی ابھی جو اسلامی مہینا اپنی برکتیں لُٹا رہا ہے، اس ) کی 22 تاریخ کو یومِ صِدِّیقِ اکبر منایا جاتا ہے،اسی مُناسبت سے آج ہم حضرت صِدِّیقِ اکبر رَضِیَ اللہُ عنہ کے فضائل اور چند اعلیٰ اَوْصاف سننے کی سَعَادت حاصِل کریں گے۔ اللہ پاک ہم سب کو تمام صحابہ و اَہْلِ  بیت بالخصوص حضرت صِدِّیقِ اکبر رَضِیَ اللہُ عنہ سے سچّی پکی