اللہ اور حبیب اللہ کے درمیان تشریف فرما ہیں۔^([1])

نہایت متقی و پارسا صِدِّیقِ اکبر ہیں

تِقَی ہیں بلکہ شاہِ اَتْقِیَا صِدِّیقِ اکبَرْ ہیں

اَمِیْرُ الْمُؤمِنِیْں ہیں آپ اِمَامُ الْمُسْلِمِیْں ہیں آپ

نبی نے جنّتی جن کو کہا صِدِّیقِ اکبر ہیں

سبھی اصحاب سے بڑھ کر مُقَرَّب ذات ہے انکی

رفیقِ     سرورِ     اَرض     و     سَمَا     صَدِّیقِ     اکبر    ہیں^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

غار میں جنّت کی نہر نکل آئی

پیارے اسلامی بھائیو! ہمارے آقا، مسلمانوں کے پہلے خلیفہ حضرت ابو بکر صِدِّیق رَضِیَ اللہُ عَنْہ کی خصوصیت ہے کہ آپ یارِ غارِ مصطفےٰ ہیں۔  مکہ سے مدینہ ہجرت کے دوران سرکارِ عالی وقار، مکی مَدَنی تاجدار  صَلَّی اللہُ عَلَیْہِ وَآلِہٖ وَسَلَّم نے  3 دِن غارِ ثور میں قیام فرمایا، ان 3 دِنوں میں صِرْف ایک ہی ہستی حضرت صِدِّیق اکبر رَضِیَ اللہُ عَنْہ آپ کے ساتھ تھے۔ عُلَما فرماتے ہیں: حضرت صِدِّیقِ اکبر رَضِیَ اللہُ عَنْہ کو یہ جو خِدْمت کا موقع مِلا، یہ ایسی سَعَادت ہے جو کسی نبی عَلَیْہِ السَّلام کے کسی صحابی کو نصیب نہیں ہوئی۔^([3])

جو یارِ غار ِ محبوبِ خدا صِدِّیقِ اَکبر ہیں                                             وُہی یارِ مزارِ مصطفےٰ صِدِّیقِ اکبر ہیں^([4])