Book Name:Deeni Ijitmaat Ki Barkaat
حدیثِ پاک میں ہے : اِنَّمَا الْاَعْمَالُ بِالنِّیَّات اَعْمَال کا دار ومدار نیتوں پر ہے۔ ( [1] )
پیارے اسلامی بھائیو ! اچھی نیت بندے کو جنّت میں پہنچا دیتی ہے ، بیان سننے سے پہلے کچھ اچھی اچھی نیتیں کر لیجئے ! مثلاً نیت کیجئے : * رِضَائے اِلٰہی کے لئےپورا بیان سُنوں گا * عِلْمِ دین سیکھوں گا * ادب سے بیٹھوں گا * نصیحت حاصِل کروں گا * اَحْمَدِ مجتبیٰ ، مُحَمَّدِ مصطفےٰ صلی اللہ عَلَیْہِ وَ آلِہٖ وَسَلَّم کا نامِ پاک سُن کر درودِ پاک پڑھوں گا۔
صَلُّوْا عَلَی الْحَبِیْب ! صَلَّی اللہ عَلٰی مُحَمَّد
پیارے اسلامی بھائیو ! ہم عاشقانِ رسول کی دینی تحریک دعوتِ اسلامی کے ہفتہ وار سنتوں بھرے اجتماع میں حاضِر ہیں۔ ہفتہ وار اجتماع 12 دِینی کاموں میں سے اَہَم تَرِین دِینی کام ہے۔ شیخِ طریقت ، امیرِ اہلسنت ، بانئ دعوتِ اسلامی حضرت علّامہ مولانا محمد الیاس عطّار قادری دَامَتْ بَرَکَاتہمُ العَالِیَہ نے جب دعوتِ اسلامی کا دِینی کام شروع فرمایا تو سب سے پہلے اسی دِینی کام سے آغاز کیا تھا۔ دعوتِ اسلامی کا پہلا ہفتہ وار اجتماع گلزارِ حبیب مسجد ( سولجر بازار ، گلستانِ شفیع اَوْکاڑوی کراچی ) میں ہوا۔
اللہ پاک نے اس میں برکت عطا فرمائی ، یہ اجتماع بڑھتا چلا گیا ، اب الحمد للہ ! ملک و بیرونِ ملک ہزاروں مقامات پر ہفتہ وار سنتوں بھرے اجتماعات ہوتے ہیں۔ اللہ پاک کے فضل و کرم سے اس پہلے دِینی کام یعنی ہفتہ وار اجتماع کی بہت برکات ہیں۔ اسی ہفتہ وار