اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

منقول ہے : ایک شخص کو انتقال کے بعد اس کے پڑوسی نے جنّت میں دیکھا تو پوچھا : یہ مقام کیسے حاصِل ہوا ؟ اس نے بتایا : میں ایک دِینی اجتماع میں شریک ہوا ، وہاں ایک مُحَدِّث صاحِب ( یعنی عِلْمِ حدیث کے ماہِر عالِم )  نے دورانِ بیان فرمایا : جو شخص رسولِ اکرم ، نُورِ مُجَسَّم  صَلَّی اللہ عَلَیْہِ وَ آلِہٖ وَ سَلَّم   پر بلند آواز سے درود شریف پڑھے ، اس پر جنّت واجب ہو جاتی ہے۔یہ سُنتے ہی میں نے فورًا بلند آواز سے درودِ پاک پڑھا ، مجھے دیکھ کر اجتماع میں شریک دوسروں لوگ بھی اُونچی آواز سے درودِ پاک پڑھنے لگے۔ بس یہی نیک عمل یعنی اُونچی آواز سے درودِ پاک پڑھنا اللہ پاک کی بارگاہ میں قبول ہو گیا اور اسی کی بَرَکَت سے اللہ پاک نے میری اور تمام شرکائے اجتماع کی مغفرت فرما دی۔ ^{( [1] )}  

نبی کی شان میں ہو جس قدر درود پڑھو !   مُحِبَّو ! پاؤ گے جنّت میں گھر درود پڑھو !

خُدا تو بھیجے ہے صَلُّوا وَ سَلِّمُوْا کا خطاب      تم ایسے بیٹھے ہو کیوں بےخبر درود پڑھو !  ^{( [2] )}

صَلُّوْا عَلَی الْحَبیب !                                     صَلَّی اللہ عَلٰی مُحَمَّد