ومن كفر فلا يحزنك كفره ۚ إلينا مرجعهم فننبئهم بما عملوا ۚ إن الله عليم بذات الصدورنمتعهم قليلا ثم نضطرهم إلى عذاب غليظ

Home ≫ Al-Quran ≫ Surah Luqman Ayat 24 Translation Tafseer

رکوعاتہا 4

سورۃ ﳠ

اٰیاتہا 34

Tarteeb e Nuzool:(57)	Tarteeb e Tilawat:(31)	Mushtamil e Para:(21)	Total Aayaat:(34)
Total Ruku:(4)	Total Words:(612)	Total Letters:(2136)

23-24

وَ مَنْ كَفَرَ فَلَا یَحْزُنْكَ كُفْرُهٗؕ-اِلَیْنَا مَرْجِعُهُمْ فَنُنَبِّئُهُمْ بِمَا عَمِلُوْاؕ-اِنَّ اللّٰهَ عَلِیْمٌۢ بِذَاتِ الصُّدُوْرِ(23)نُمَتِّعُهُمْ قَلِیْلًا ثُمَّ نَضْطَرُّهُمْ اِلٰى عَذَابٍ غَلِیْظٍ(24)

ترجمہ: کنزالایمان

اور جو کفر کرے تو تم اس کے کفر سے غم نہ کھاؤ اُنہیں ہماری ہی طرف پھرنا ہے ہم اُنہیں بتادیں گے جو کرتے تھے بےشک اللہ دلوں کی بات جانتا ہےہم اُنہیں کچھ برتنے دیں گے پھر اُنہیں بے بس کرکے سخت عذاب کی طرف لے جائیں گے



تفسیر: ‎صراط الجنان

{وَ مَنْ كَفَرَ فَلَا یَحْزُنْكَ كُفْرُهٗ: اور جو کفر کرے تو اس کا کفر آپ کو غمگین نہ کرے۔} ارشاد فرمایا کہ اے پیارے حبیب! صَلَّی اللہ تَعَالٰی عَلَیْہِ وَاٰلِہٖ وَسَلَّمَ، آپ تسلی رکھیں اور کفر کرنے والے کے کفر پر غمزدہ نہ ہوں کیونکہ اس کا کفر کرنا دنیا و آخرت میں آپ کے لئے کسی طرح نقصان دہ نہیں ،ان لوگوں کو مرنے کے بعد ہماری ہی طرف لوٹ کر آنا ہے اور ہم انہیں ان کے اعمال کی سزا دیں گے ۔بے شک اللہ تعالیٰ جس طرح ان کے ظاہری اعمال کو جانتا ہے اسی طرح ان کے دلوں کی بات بھی جانتا ہے تو وہ انہیں اس کی بھی سزا دے گا جو ان کے دلوں میں پوشیدہ ہے۔( صاوی، لقمان، تحت الآیۃ: ۲۳، ۵ / ۱۶۰۴، روح البیان، لقمان، تحت الآیۃ: ۲۳، ۷ / ۹۲، تفسیرکبیر، لقمان، تحت الآیۃ: ۲۳، ۹ / ۱۲۶، ملتقطاً)

{نُمَتِّعُهُمْ قَلِیْلًا: ہم انہیں کچھ فائدہ اٹھانے دیں گے۔} ارشاد فرمایا کہ ہم ان کافروں کو تھوڑی مہلت دیں گے تاکہ وہ اپنی موت تک دنیا کی نعمتوں سے مزے اٹھا لیں ،پھر انہیں آخرت میں سخت عذاب کی طرف جانے پر مجبور کر دیں گے اور وہ جہنم کا عذاب ہے جس سے یہ لوگ کبھی رہائی نہ پاسکیں گے۔( خازن، لقمان، تحت الآیۃ: ۲۴، ۳ / ۴۷۲، جلالین، لقمان، تحت الآیۃ: ۲۴، ص۳۴۷، ملتقطاً)

Reading Option

Translation

Tafseer

Fonts Setting

Download Surah

Related Links