DONATE NOW donation

Home Al-Quran Surah Al Fajr Ayat 6 Translation Tafseer

رکوعاتہا 1
سورۃ ﴝ
اٰیاتہا 30

Tarteeb e Nuzool:(10) Tarteeb e Tilawat:(89) Mushtamil e Para:(30) Total Aayaat:(30)
Total Ruku:(1) Total Words:(156) Total Letters:(580)
6-7

اَلَمْ تَرَ كَیْفَ فَعَلَ رَبُّكَ بِعَادٍﭪ(۶)اِرَمَ ذَاتِ الْعِمَادِﭪ(۷)
ترجمہ: کنزالعرفان
کیا تم نے نہ دیکھا کہ تمہارے رب نے عاد کے ساتھ کیسا کیا؟اِرَم (کے لوگ)،ستونوں (جیسے قد) والے۔


تفسیر: ‎صراط الجنان

{اَلَمْ تَرَ: کیا تم نے نہ دیکھا۔} متعدد قَسموں  کے بعد جواب ِ قسم یہ تھاکہ کافروں  کو عذاب دیا جائے گا۔ کافروں  کا آخرت کا عذاب تو قطعی ہے البتہ بارہا دنیا میں  انہیں  عذاب دیا گیا چنانچہ اسی کی مثالوں  کے طورپر یہاں  سے متعدد قوموں  کے عذابات کا تذکرہ کیا گیا ہے جس سے اصلِ مقصود اہلِ مکہ اور دیگر کفار کو خوف دلانا ہے۔چنانچہ فرمایا گیا کہ کیا تم نے قومِ عاد کو نہیں  دیکھا ۔قومِ عاد کی دو قسمیں  ہیں : (1)عاد ِ اُولیٰ، (2)عادِ اُخریٰ۔ یہاں  عادِ اُولیٰ مراد ہے جن کے قد بہت دراز تھے ،انہیں  عادِ اِرم بھی کہتے ہیں ۔ کفار کو سمجھایا گیا کہ عادِ اُولیٰ جن کی عمریں  بہت زیادہ اور قد بہت طویل تھے اور وہ خود نہایت قوی و توانا تھے، انہیں  اللّٰہ تعالیٰ نے ہلاک کردیا تو یہ کافر اپنے آ پ کو کیا سمجھتے ہیں  اور عذابِ الٰہی سے کیوں  بے خوف ہیں ۔

Reading Option

Ayat

Translation

Tafseer

Fonts Setting

Download Surah

Related Links