جاتے ہیں، ہر روز افطار کے وقت 10 لاکھ گنہگاروں کی بخشش ہوتی ہے اور جب اس مُبارَک مہینے میں جمعہ (Friday) کا دِن ہوتا ہے، تب تَو  وَارے ہی نیارے ہوتے ہیں،  حدیثِ پاک کے مطابق رمضان کریم  میں شبِ جمعہ اور روزِ جمعہ (یعنی جمعرات کو سورج غروب ہونے سے لے کر جمعہ کو سورج غروب ہونے تک) ہر ہر گھڑی میں 10، 10 لاکھ کی مغفرت کر دی جاتی ہے اور یہ سب مغفرت پانے والے وہ ہیں جن پر جہنّم واجب ہو چکی تھی۔^([1])  

عاصیوں کی مغفرت کا لے کر آیا ہے پیام

جھوم جاؤ مجرمو! رَمضاں مہِ غفران ہے

صحابئ رسول کا بےمثال روزہ

ایک صحابی ہوئے ہیں: حضرت عبد اللہ بن مَخْرَمَہ  رَضِیَ اللہ عنہ ۔ بڑے ہی جذبے والے، ذوقِ عشق رکھنے والے، محبّتِ اِلٰہی میں وارفتہ رہنے والے صحابی ہیں، ایک مرتبہ آپ نے دُعا مانگی: یا اللہ پاک! مجھےاس وقت تک موت نہ دینا جب تک  تیری راہ میں میراہر ہرعضو (Part of body) تکلیف برداشت نہ کر لے۔

اللہ اکبر! ذوق دیکھیے! کیسا ہے؟ ہم لوگ تکلیفوں سے دُور بھاگتے ہیں، صحابئ رسول چاہ رہے ہیں کہ اللہ پاک کی بارگاہ میں یُوں حاضِری ہو کہ میرا ہر ہر عضو اس کی راہ میں تکلیف برداشت کر چکا ہو۔

آپ کی یہ دُعا جنگِ یمامہ (Battle of Yamama)کے وقت پُوری ہوئی۔ حضرت عبداللہ بن عمر رَضِیَ اللہ عنہ  فرماتے ہیں: جنگِ یمامہ کے دِن (جب جنگ ختم ہوئی، میں میدانِ جنگ میں پہنچا)، اس وقت حضرت عبد اللہ بن مَخْرَمَہ  رَضِیَ اللہ عنہ   کا سارا جسم زخمی تھا۔ آپ