بس کچھ ہی دِنوں کے بعد اِنْ شَآءَ اللہ الْکَرِیْم!*شیطان کو قید کر دیا جائے گا *جنّت کے دروازے کھول دئیے جائیں گے *نیک اَعْمال کی قَدْر و قیمت بڑھا دی جائے گی، نفل کا ثواب فرض کے برابر  اور فرض کا ثواب 70 گُنَا کر دیا جائے گا *بخشش کے پروانے بٹنا شروع ہو جائیں گے *اِنْ شَآءَ اللہ الْکَرِیْم!روزانہ لاکھوں لاکھ گنہگاروں کی بخشش کی جائے گی۔

ابرِ رحمت چھا گیا ہے اور سماں ہے نُور نُور    فضلِ رَبّ سے مغفرت کا ہو گیا سامان ہے

ہر گھڑی رحمت بھری ہے، ہر طرف ہیں برکتیں        ماہِ رمضاں رحمتوں اور برکتوں کی کان ہے^([1])

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

شمسی مہینے بدلتے رہنے کی حکمت

پیارے اسلامی بھائیو!اِس سال کا ماہِ رمضان سخت موسم  میں نہیں، دِن چھوٹے ہیں، راتیں لمبی ہیں، پہلے گرمیوں کا ماہِ رمضان چل رہا تھا، دِن لمبے تھے، راتیں چھوٹی تھیں، پہلے لمبے روزے کا لطف تھا، اب کی بار راتوں کی عبادت میں آسانی ہو گی۔ اِنْ شَآءَ اللہ الْکَرِیْم!

یہاں ایک بڑی اِیمان افروز بات ہے، جو شمسی مہینے(Solar Months) ہیں (یعنی جنوری، فروری، مارچ، اپریل وغیرہ)، ماہِ رمضان کریم ان 12 کے 12 مہینوں میں گھومتا رہتا ہے، اِس سال ماہِ رمضان فروری اور مارچ میں آرہا ہے، پچھلے سال  مارچ میں تھا، اِس سے پچھلے سال مارچ اور اپریل میں تھا، کچھ سالوں پہلے جُون جُولائی کے روزے چل رہے تھے، یُوں ماہِ رمضان  12 کے 12 شمسی مہینوں میں گردش فرماتا ہے۔

سُبْحٰنَ اللہ!شیخ محی الدِّین اِبْنِ عربی  رَحمۃُ اللہ عَلَیْہ  لکھتے ہیں: اللہ پاک ماہِ رمضان کو سبھی