اس کے ساتھ ساتھ پورے ماہ کا اعتکاف بھی ہوتا ہے۔اس مرتبہ  پاکستان بھر میں 29 مقامات پر جبکہ دُنیا بھر میں 130 مقامات پر پورے ماہ کا اعتکاف ہو رہاہے ۔آپ بھی پورے ماہ کا اعتکاف کرنے کی سَعَادت پائیے!بلکہ عالمی مدنی مرکز فیضانِ مدینہ (کراچی) میں اعتکاف کیجیے! کہ وہاں شیخِ طریقت، امیر اہلسنّت مولانا محمد الیاس قادری دَامَتْ بَرَکَاتُہُمُ الْعَالِیَہ وقت کے ایک وَلِیِّ کامِل کے ساتھ اعتکاف کی سَعَادت ملے گی تو اس کی برکتیں ہی جُدا ہوں گی۔ اِنْ شَآءَ اللہ الْکَرِیْم!

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

دعوت اسلامی کے ایک شعبے کا تعارف: فیضان آن لائن اکیڈمی

پیارے اسلامی بھائیو! حضرت عبد اللہ بن مسعود  رَضِیَ اللہ عنہ  فرماتے ہیں:  عالِم بنو! طالِبِ عِلْم بنو! یا (کم از کم) عُلَما سے محبّت کرنے والے بن جاؤ! چوتھے مت بننا، ورنہ ہلاک ہو جاؤ گے۔^([1])

اَلحمدُ للہ!  عاشقانِ رسول کی دینی تنظیم دعوت اسلامی*علم دین کا نور بانٹنے * معاشرے کو سدھارنے * لوگوں کے عقائد و اعمال کی اصلاح کرنے * عشقِ رسول کے جام پلانے والی تنظیم  ہے۔ اس پیاری تنظیم  کا یہ مقصد ہے کہ ہر مسلمان کم از کم فرائض علوم سیکھ لے، مگر افسوس کہ ہمارے یہاں ایسا ذہن بہت کم پایا جاتا ہے ، جن کا ذہن ہو بھی تو ان کو اپنے کام کاج کے اوقات میں سے وقت نکالنے میں دشواری کا سامنا ہوتا ہے جس کی وجہ سے ایک تعداد ہے جو علم دین سے محروم رہ جاتی ہے۔

اَلحمدُ للہ!دعوتِ اسلامی نے مسلمانوں کی اس مشکل کو آسان کرنے اور ہر فرد کو اس