ڪريمه مان سکڻ لاءِ ملندو آهي، اهي نعمتون ڇا آهن جن سان اسان کي نوازيو ويو آهي؟ ۽ اهو سبق ڇا آهي جيڪو هن آيتِ ڪريمه مان سکڻ لاءِ ملي ٿو؟ اچو! ٻڌون ٿا:

آيتِ ڪريمه جي مختصر وضاحت

الله پاڪ فرمايو:

هُوَ الَّذِیْ خَلَقَ لَكُمْ مَّا فِی الْاَرْضِ جَمِیْعًاۗ-ثُمَّ اسْتَوٰۤى اِلَى السَّمَآءِ فَسَوّٰىهُنَّ سَبْعَ سَمٰوٰتٍؕ-وَ هُوَ بِكُلِّ شَیْءٍ عَلِیْمٌ۠(۲۹)(سيپارو: 1، البقرة: 29)

ترجموڪنزُ العرفان: اهو ئي آهي جنهن جيڪو ڪجھ زمين ۾ آهي سڀ توهان جي لاءِ بڻايو، پوءِ ان آسمان کي بڻائڻ جو ارادو ڪيو ته ٺيڪ ستَ آسمان بڻايائين ۽ اهو هر شيءِ جو خوب علم رکي ٿو.

  سُبْحٰنَ اللہ! ڪيتري پياري، دلڪش ۽ خوبصورت آيتِ ڪريمه آهي، اسان کي الله پاڪ جي سڃاڻپ ٻڌائي پئي وڃي، ارشاد ٿئي ٿو: اي انسانو! توهان جو مالڪ، توهان جو خالق، توهان جو رب اهو ئي هڪ، وحده لاشريڪ آهي، جنهن توهان کي هزارين قِسمن جي نعمتن سان نوازيو آهي * هن اها زمين بڻائي، توهان جي لاءِ * زمين ۾ لکين قِسمن جون نعمتون رکيون، توهان جي لاءِ * زمين جي سيني ۾ هزارين قسمن جون معدنيات (مثلاً لوهه، تيل، گيس وغيره) رکيون، توهان جي لاءِ * پوءِ صرف زمين ئي هجي، اهو ڪافي نه آهي *  تنهنڪري هن آسمان به بڻايو، اهو به توهان جي لاءِ * پوءِ آسمان به هڪ نه، 7 بڻايا، توهان جي لاءِ، بلڪل ٺيڪ ٺاڪ بڻايا، آسمان بڻائڻ ۾ ڪمي نه رکي، هزارين سال گذري ويا، اڃا تائين اهي آسمان پراڻا نه ٿيا، ايڏي وڏي ڇت ڪمزور نه ٿي، ان ۾ ڏار نه پيا، اهو سڀ اهتمام به توهان جي لاءِ، مطلب ته اها هڪ ذات جنهن سڄي ڪائنات کي توهان جي خدمت لاءِ لڳائي ڇڏيو، سڀ ڪجهه توهان جي فائدي لاءِ بڻائي ڇڏيو * اهو ئي خدا آهي * اهو ئي توهان جو مالڪ آهي