هغوئي وفرمائيل:

اِنَّمَاۤ اَنَا رَسُوْلُ رَبِّكِ ﳓ لِاَهَبَ لَكِ غُلٰمًا زَكِیًّا(۱۹)     

(پارہ:16، سورۀ مریم:19)

ترجمهٴ کنزُ العِرفان: زۀ خو ستا د رَبّ له طرفه راليږلے شوے يم د پاره د دې چې زۀ تا ته يو پاکيزه ځوي درکړم۔

يعنې اے مريم! مۀ ويريږه! نا۔۔۔!! زۀ د الله پاک راليږلے شوې فرښته يم، تاسو له ځوي درکولو له راغلے يم۔

وګورئ چې څوک دے؟ جبريل عَلَیْهِ السَّلَام۔ آيا د جبريل لفظ معنیٰ تاسو ته معلومه ده؟ د جبريل معنیٰ ده : عبدُ الله۔ د الله بنده۔^([1]) الله پاک پۀ قرآنِ کريم کښې هم فرښتو ته بندګان فرمائيلي دي:

بَلْ عِبَادٌ مُّكْرَمُوْنَۙ(۲۶)

(پارہ:17، سورۀ انبیا:26)

ترجمهٴ کنزُ العِرفان: بلکې (فرښتے) د عزت والا بندګان دي۔

معلومه شوه چې فرښتے هم د الله پاک بندګان دي، حضرت جبريل امين عَلَیْهِ السَّلَام  هم د الله پاک بنده دے۔ قربان شم! اولاد ورکولو والا څوک دے؟ الله پاک۔ ځوي ورکولو والا څوک دے۔۔۔؟ الله پاک۔ خو دلته حضرت جبريل امين عَلَیْهِ السَّلَام يعنې د الله پاک د بارګاه يو ډير مقبول بنده وائي:

لِاَهَبَ لَكِ غُلٰمًا زَكِیًّا(۱۹)

(پارہ:16، سورۀ مریم:19)

ترجمهٴ کنزُ العِرفان: د پاره د دې چې زۀ تا ته يو پاکيزه ځوي درکړم۔

سُبْحٰنَ اللہ! معلومه شوه چې د الله پاک پۀ عطا سره، د الله پاک د بارګاه مقبول بندګان هم ډير څۀ عطا کوي۔