Book Name:Mohabbat e Rasool Ke Waqiat
وضاحت: یعنی سر جھکا کر سجدہ کرنا جائز نہیں ہے تو ٹھیک ہے ہم شریعت کا حکم مانتے ہوئے ان کو سجدہ نہیں کرتے مگر اے دلِ بیقرار ! ان کو ایسی سلامی پیش کر کہ اس سلامی کی سر کو بھی خبر نہ ہونے پائے۔
صَلُّوْا عَلَی الْحَبِیْب! صَلَّی اللہ عَلٰی مُحَمَّد
پیارے اسلامی بھائیو! یہ ایک پیارا سا، عشق بھرا، ادب و تعظیم سے بھرپُور واقعہ ہم نے سُنا، اس میں غور فرمائیے! جب پیارے آقا، مکی مَدَنی مصطفےٰ صَلَّی اللہ تَعَالٰی عَلَیْہِ وَاٰلِہٖ وَسَلَّم تشریف لائے تو اُونٹ نے کس کمال انداز سے اپنی محبتوں کا زبردست اِظْہار کیا۔ حُضور صَلَّی اللہ تَعَالٰی عَلَیْہِ وَاٰلِہٖ وَسَلَّم کو دیکھتے ہی دوڑ کر حاضِر ہوا اور آتے ہی سجدے میں گِر گیا۔
چاند شق ہو، پیڑ بولیں، جانور سجدے کریں بارَکَ اللہ ! مرجعِ عالَم یہی سرکار ہے([1])
پیارے اسلامی بھائیو! پیارے آقا، مکی مدنی مصطفےٰ صَلَّی اللہ تَعَالٰی عَلَیْہِ وَاٰلِہٖ وَسَلَّم کے ساتھ جانوروں نے جو محبتوں کا اِظْہار کیا، سُبْحٰنَ اللہ !یہ بھی ایک الگ موضوع ہے *روایات میں ہے: پیارے آقا صَلَّی اللہ تَعَالٰی عَلَیْہِ وَاٰلِہٖ وَسَلَّم کے دادا جان حضرت عبد المطلب رَضِیَ اللہ عنہ کی پیشانی مبارَک میں نُورِ مصطفےٰ جگمگایا کرتا تھا، اُس وقت آپ جنگل میں جاتے تو شَیْر حاضِر ہو کر عرض کرتے تھے: اے عبد المطلب (رَضِیَ اللہ عنہ ) مجھ پر سُواری کیجیے! تاکہ نُورِ مصطفےٰ صَلَّی اللہ تَعَالٰی عَلَیْہِ وَاٰلِہٖ وَسَلَّم کی خِدْمت کا شرف مجھے نصیب ہو جائے۔
* سیدہ عائشہ صِدِّیقہ رَضِیَ اللہ عنہ ا فرماتی ہیں: پیارے محبوب صَلَّی اللہ تَعَالٰی عَلَیْہِ وَاٰلِہٖ وَسَلَّم نے ایک مرتبہ گھر مبارَک میں بَیْل پالا تھا، اس کی عادَت تھی، وہ اُچھل کُود کرتا ہی رہتا تھا،