اشکبار آنکھیں عطا ہوں ، دِل کی سختی دُور ہو

دیجئے خوفِ خُدا مولیٰ علی مشکل کُشا !

بھیک لینے کے لئے دربار میں منگتا ترا

لے کے کشکول آگیا مولیٰ علی مشکل کُشا !

کیوں پِھروں در در بھلا خیرات لینے کے لئے

میں     فقط     منگتا     تِرا     مولیٰ     علی     مشکل     کُشا ! ^{( [1] )}

صَلُّوْا عَلَی الْحَبِیْب !                                                                                                صَلَّی اللہ عَلٰی مُحَمَّد

شیرِ خدا رَضِیَ اللہ عنہ کا زُہد

پیارے اسلامی بھائیو ! مولائے کائنات ، مولا علی شیرِ خُدا رَضِیَ اللہ عنہ کے بہت سارے اعلیٰ اَوْصاف ہیں * آپ کو حدیثِ پاک میں بابُ مَدِیْنَةِ الْعِلْم  ( یعنی شہرِ عِلْمِ کا دروازہ )  کہا گیا ^{( [2] )}  * آپ کی شجاعت و بہادری کی کوئی مثال نہیں ملتی *  یہ بھی کہا گیا کہ لَا سَیْفَ اِلَّا ذُوالْفِقَارِ وَلَا فَتٰی اِلَّا عَلِیٌّیعنی  ( حضرت علی رَضِیَ اللہ عنہ جیساکوئی  جوان نہیں اور ذُوالفقار جیسی کوئی تلوار نہیں ) ۔ ^{( [3] )}  اعلیٰ حضرت  رَحمۃُ اللہ علیہ فرماتے ہیں :

بَہرِ تسلیمِ علی میداں میں                                                                                        سر جھکے رہتے ہیں تلواروں کے ^{( [4] )}

 * ایسے ہی مولا علی رَضِیَ اللہ عنہ کا تقویٰ ، آپ کی پرہیزگاری * آپ کا عشقِ رسول * آپ کی محبّتِ اِلٰہی * آپ کا ذوقِ عِبَادت غرض؛ ان گنت یعنی بے شمار اَوْصاف ہیں جو ہمیں مولا علی شیرِ خُدا رَضِیَ اللہ عنہ کی پاکیزہ سیرت سے سیکھنے کو ملتے ہیں۔