سے کس قدر بے رغبتی رکھتے ہیں ، جب ہمارے ان پیشواؤں نے دُنیا اور اس کی محبّت کو گوارا نہ کیا تو ہمیں بھی چاہئے کہ دُنیا کی محبّت کو دِل میں  بالکل بھی جگہ نہ دیں۔

حُبِّ دُنیا میں دِل پھنس گیا ہے                                                                 نفسِ بدکار حاوِی ہوا ہے

ہائے شیطاں بھی پیچھے پڑا ہے                                                                      یاخُدا ! تجھ سے میری دُعا ہے

عشقِ احمد میں آنسو بہاؤں                                                                                               حُبِّ دُنیا سے خود کو بچاؤں

ایسی توفیق دے اِلتجا ہے                                                                                           یاخُدا !   تجھ   سے   میری   دُعا   ہے ^{( [1] )}

صَلُّوْا عَلَی الْحَبِیْب !                                                                                                صَلَّی اللہ عَلٰی مُحَمَّد

حضرت علی رَضِیَ اللہ عنہ  کا مختصر تعارُف

پیارے اسلامی بھائیو ! * حضرت مولیٰ علی رَضِیَ اللہ عنہ مسلمانوں کے چوتھے خلیفہ ہیں * آپ مکہ مکرمہ میں پیدا ہوئے *  10 سا ل کی عمر مبارک میں اسلام قبول کیا ^{( [2] )}  * آپ کی والدہ نے آپ کا نام حیدر جبکہ والد نے آپ کا نام  علی رکھا *  رسولِ اکرم ، نُورِ مُجَسَّم صَلَّی اللہ عَلیہ واٰلہٖ و سَلَّم نے آپ کو اَسَدُ اللہ کے لقب سے نوازا * اَسَدُ اللہ کا معنی ہے : شیرِ خُدا یعنی اللہ پاک کا شیر۔  ^{( [3] )}

علی المرتضیٰ شیرِ خُدا ہیں                                                                                          کہ ان سے خوش حبیبِ کبریا ہیں

 * مولیٰ علی رَضِیَ اللہ عنہ مہاجرینِ اَوَّلِیْن  ( یعنی ابتدا ہی میں ہجرت کرنے والے )  اور عَشَرَہ مُبَشَّرَہ  ( یعنی وہ 10خوش نصیب صحابہ جنہیں پیارے آقا ، مدینے والے مصطفےٰ   صَلَّی اللہ عَلَیْہِ وَ آلِہٖ وَ سَلَّم  نے نام لے کر جنّت کی بشارت دی ، ان )  میں سے ہیں۔ غزوۂ بدر ، اُحْد وغیرہ میں شریک