سیّدی اعلیٰ حضرت  رَحمۃُ اللہ علیہ کا سمجھانے کا اَنداز صَدْ مرحبا... ! !  آپ نے کمال حِکمتِ عَمَلی کے ساتھ سیّد صاحِب کو سمجھاتے ہُوئے فرمایا :  صاحِبزادے ! یہ اِرشاد فرمائیے کہ جس عَورت کو باپ نے طلاق دے دی ہو ، کیا وہ بیٹے کے لئے حلال ہو سکتی ہے ؟ سیّد صاحِب نے فرمایا : نہیں۔ اِس پر اعلیٰ حضرت  رَحمۃُ اللہ علیہ نے فرمایا : ایک مرتبہ آپ کے جَدِّ اَعلیٰ یعنی مُسلمانوں کے چَوتھے خلیفہ حضرت علی المرتضیٰ ، شیرِ خُدا رَضِیَ اللہ عنہ نے تنہائی میں اپنے چہرۂ مُبارَکہ پر ہاتھ پھیر کر فرمایا :  اے دُنیا ! کسی اور کو دھوکا دے ، میں نے تجھے ایسی طلاق دی جس میں کبھی رَجْعت  ( یعنی دَوبارہ صُلح کی راہ )  نہیں۔پھر آپ  رَحمۃُ اللہ علیہ   نے فرمایا :   شہزادۂ حُضُور ! کیا اِس قول کے بعد بھی ساداتِ کرام کا غُرْبت و اَفْلاس میں مبتلا ہونا تَعجُّب کی بات ہے ؟ سیّد صاحِب  بولے : وَاللہ  ( اللہ کی قسم ) ! آپ کی اِن باتوں نے مُجھے دِلی سُکُون بخش دیا ہے ، اَلحَمْدُ للہ ! اِس کے بعد شہزادے نے کبھی  اِپنی غُربت کا شِکْوہ نہ کیا۔ ^{( [1] )}  

حِرْصِ دُنیا نکال دے دِل سے                                                                 بس رہوں طالِبِ رِضا یارَبّ !

ہائے حُسْنِ عَمَل نہیں پلّے                                                                                      حشر میں میرا ہو گا کیا یارَبّ !

خوف دوزخ کا آہ ! رحمت ہو                                                                        خاکِ طیبہ کا واسطہ یارَبّ !

دِل کا اُجْڑا چمن ہو پھر آباد                                                                                            کوئی     ایسی     ہَوَا     چلا    یارَبّ ! ^{( [2] )}

صَلُّوْا عَلَی الْحَبِیْب !                                                                                                صَلَّی اللہ عَلٰی مُحَمَّد

سمجھانے کا نرالا انداز

پیارے اسلامی بھائیو ! اس واقعہ میں ہمارے لئے سیکھنے کی بہت ساری باتیں ہیں ،