ہوئے ^{( [1] )}  * آپ کی شُجاعت و بہادری بہت مشہور و معروف ہے * مسلمانوں کے تیسرے خلیفہ حضرت عثمان غنی رَضِیَ اللہ عنہ کی شہادت کے بعد آپ مسندِ خِلافت پر تشریف فرما ہوئے ^{( [2] )}  * آپ نے 4 سال ، 8 ماہ اور 9 دِن تک خِلافت کی ذِمَّہ داریاں نہایت حُسْن و خوبی کے ساتھ  انجام دِیں ^{( [3] )}  * 17یا 19 رَمَضانُ المبارَک سن 40 ہجری کو ایک خبیث خارِجی کے قاتلانہ حملے سے شدید زخمی ہو گئے اور 21رَمَضان شریف اتوار کی رات جامِ شہادت نوش فرما گئے۔ ^{( [4] )} اللہ پاک کی اُن پر رَحمت ہو اور اُن کے صَدقے ہماری بے حساب مغفِرت ہو۔

 اٰمِیْن بِجَاہِ خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَسَلَّم ۔

اَصْلِ نَسْلِ صَفَا ، وجہِ وَصْلِ خُدا                                             بابِ   فَضْلِ  وِلایت  پہ  لاکھوں    سلام ^{( [5] )}

وضاحت : حضرت علیُ المرتضیٰ رَضِیَ اللہ عنہ پاک نسل ( یعنی سیّد زادوں  ) کے جدِّ اعلیٰ ہیں ، واصِل باللہ  ( یعنی اللہ پاک کا مُقَرَّب )  بننے کا سبب  اور وِلایَت کے فضائل ملنے کا دروازہ ہیں ، آپ رَضِیَ اللہ عنہ پر لاکھوں سلام ہوں۔

شانِ مرتضیٰ میں 3 فرامینِ مصطفےٰ

مسلمانوں کے چوتھے خلیفہ ، مولیٰ علی مشکل کشا رَضِیَ اللہ عنہ کی شان بہت بلند ہے ، آپ کے فضائِل بےحد و بے شُمار ہیں :  ( 1 ) : پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے فرمایا : مَنْ کُنْتُ مَوْلَاہُ فَعَلِیٌ مَوْلَاہُ یعنی جس کا میں مولیٰ ہوں ، اس کے علی مولیٰ ہیں۔ پھر آپ  صَلَّی اللہ عَلَیْہِ وَ آلِہٖ وَ سَلَّم نے دعا کی : اَللّٰہُمَّ وَالِ مَنْ وَالَاہُ وَ عَادِمَنْ عَادَاہُ یعنی