ہی ساتھ مالِکِ جنّت ، قاسِمِ نعمت صلی اللہ عَلَیْہِ وَ آلِہٖ وَسَلَّم  کی یاد میں نعتیں پڑھ رہی ہے ، اس کے اَشْعار سُنے تو حضرت عمر فاروقِ اعظم رَضِیَ اللہ عنہ  بھی مصطفےٰ جانِ رحمت صلی اللہ عَلَیْہِ وَ آلِہٖ وَسَلَّم  کی یاد میں مچلنے اور زار و قطار رونے لگے ،  ^{( [1] )} بعض روایات میں ہے کہ اس کے بعد آپ فِراقِ رسول کے غم میں کئی روز بیمار رہے۔   ^{( [2] )}

مشہور صحابئ رسول حضرت خالِد بن ولید رَضِیَ اللہ عنہ  کا مبارک معمول تھا؛ آپ جب دِن بھر کے کاموں سے فارِغ ہو کر بستر پر لیٹتے تو سرکارِ عالی وقار ، مکی مدنی تاجدار صلی اللہ عَلَیْہِ وَ آلِہٖ وَسَلَّم  اور آپ کے صحابۂ کرام علیہم الرِّضْوَان  کا نام لے لے کر انہیں یاد کرتے اور روتے روتے کہتے : میرا دِل انہی کی یاد میں تڑپتا ہے مگر آہ ! جُدائی کی گھڑیاں لمبی ہوتی جا رہی ہیں ، آپ انہی حسِین یادوں میں مَحْو رہتے ، سسکیاں لے لے کر روتے ، بالآخر اسی حال میں سو جاتے تھے۔   ^{( [3] )}

سر ہو چوکھٹ پہ خَم ، تاجدارِحرم           یہ نِکل جائے دَم ، تاجدارِ حرم !

یہ رہا میرا سَر ، سینہ قلب و جگر               رکھ  دو  آقا  قدم ،  تاجدارِ حرم !

آئیے خواب میں ، قلبِ بے تاب میں    سَروَرِ   محترم ،   تاجدارِ  حرم ! ^{( [4] )}

کاش ! ہمیں بھی ایسا عشق نصیب ہو ، کاش ! ہم بھی راتوں کو اُٹھ اُٹھ کریادِ مصطفےٰ صلی اللہ عَلَیْہِ وَ آلِہٖ وَسَلَّم  میں رویا کریں ، کاش ! مدینے کی جُدائی کا غم تڑپائے ، کاش ! دیدارِ مصطفےٰ صلی اللہ عَلَیْہِ وَ آلِہٖ وَسَلَّم  کی طَلَب ایسی غالِب آئے کہ اپنے غُلام کے حالِ زار پر رحم کھا کر غمخوار نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم