علیہم الرِّضْوَان  کا دیدار نصیب ہوا ، ان کی برکت سے اُمّت خیر و بھلائی پر رہی ، پھر جنہوں نے صحابۂ کرام علیہم الرِّضْوَان  کو دیکھنے والوں کو دیکھا ، ان کی برکت سے بھی اُمّت خیر و بھلائی پر قائِم رہی۔  یہ کیسا نِرالا حُسْن ہے جو برکتیں بانٹتا بھی ہے ، بابرکت بناتا بھی ہے اوریہ برکتیں آگے سے آگے منتقل  (Transfer ) بھی ہوتی جاتی ہیں۔  

تیرے جلوؤں میں یہ عالَم ہے کہ چشمِ عالَم تابِ دیدار نہیں پھر بھی تماشائی ہے

وضاحت : یارسولَ اللہ صَلَّی اللہ عَلَیْہِ وَ آلِہٖ وَسَلَّم آپ کے جلوۂ دِیدار کی بھی کیا نِرالی شان ہے... ! ! کوئی بھی آپ کے حقیقی حُسْنِ پُرنُور کو دیکھنے کی طاقت نہیں رکھتا ، پھر بھی سب  جہان آپ کا تماشائی  ( یعنی دیکھنے والا )  ہے۔  

خُدا کی  غیرت نے ڈال رکھے ہیں تجھ پہ سَتّر ہزار پردے

جہاں میں بن جاتے طُور لاکھوں جو اک بھی اٹھتا حجاب تیرا

خواب میں دیدارِ مصطفےٰ صلی اللہ عَلَیْہِ وَ آلِہٖ وَسَلَّم  کی برکتیں

اے عاشقانِ رسول !  یہ تو سرورِ عالَم ، نُورِ مُجَسَّم  صلی اللہ عَلَیْہِ وَ آلِہٖ وَسَلَّم  کو آپ کی ظاہِری زندگی مبارک میں حالتِ ایمان میں سَر کی آنکھوں سےدیکھنے کی برکتیں تھیں ، الحمد للہ ! ہمارے آقا و مولا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  اپنے غُلاموں کو خواب میں دیدار کا شربت پلاتے ہیں۔  

پیارے اسلامی بھائیو !  آئیے ! خواب میں دیدارِ مصطفےٰ صلی اللہ عَلَیْہِ وَ آلِہٖ وَسَلَّم  کی برکتیں سُنتے ہیں :

بُخاری شریف کی حدیثِ پاک ہے ، مشہور صحابئ رسول حضرت ابوہریرہ رَضِیَ اللہ عنہ  روایت کرتے ہیں ، امام الانبیا ، محبوبِ  خُدا صلی اللہ عَلَیْہِ وَ آلِہٖ وَسَلَّم  نے فرمایا : مَنْ رَاٰنِیْ فِیْ الْمَنَامِ فَسَیَرَانِی فِی الْیَقْظَۃِ  وَ لَا یَتَمَثَّلُ الشَّیْطَانُ بِیْ یعنی جس نے مجھے خواب میں دیکھا ، وہ عنقریب مجھے بیداری