بابرکت کا فیضان مل جانا کوئی کم فضیلت ہے... ؟   

محفوظ سدا رکھنا  شہا ! بے ادبوں سے                    اور مجھ سے بھی سر زد نہ کبھی بے ادَبی ہو

صَلُّوْا عَلَی الْحَبیب !                   صَلَّی اللّٰہُ عَلٰی مُحَمَّد

اے عاشقانِ رسول !  دیکھئے ! سرورِ انبیا ، محبوبِ کبریا صلی اللہ عَلَیْہِ وَ آلِہٖ وَسَلَّم  کی ظاہِری زندگی میں ، حالتِ ایمان میں دیدارِ مصطفےٰ کے جام پینے والوں کو کیسی کیسی فضیلتیں حاصِل ہیں۔  

ہر صحابئ نبی... ! جنّتی ! جنّتی !

 اللہ پاک فرماتا ہے :

وَ كُلًّا وَّعَدَ اللّٰهُ الْحُسْنٰىؕ      ( پارہ : 5 ، سورۂ نساء : 95 )

ترجَمہ کنز الایمان : اور اللہ نے سب سے بھلائی کا وعدہ فرمایا۔

الله اكبر ! ہر وہ خوش نصیب جسے حالتِ ایمان میں دیدارِ مصطفےٰ کی سَعَادت ملی ، جو صحابی کہلائے رَبِّ کائنات اُن سے جنّت کا وعدہ فرماتا ہے۔  

دو عالَم نہ کیوں ہو نثارِ صحابہ                کہ ہے عرش منزلِ وقارِ صحابہ

امیں ہیں یہ قرآن و دینِ خدا کے           مدارِ ہدیٰ اعتبارِ صحابہ

نمایاں ہے اسلام کے گلستاں میں          ہر اِک گُل پہ رنگِ بہارِ صحابہ

کمالِ صحابہ ، نبی کی تمنا                     جمالِ نبی ہے قرارِ صحابہ

ہر صحابئ نبی !         جنّتی  جنّتی             سب صحابیات بھی ! جنّتی جنّتی

چار یارانِ نبی !    جنّتی جنّتی             حضرتِ صدیق بھی !   جنّتی جنّتی