زیادہ کام کرتے ہیں ، کتنے عبادت گزار ہیں جو حُسْن کے فتنے میں پڑے اور گُناہوں میں مبتلا ہو گئے ،  کتنے زاہِد ہیں جو حُسْن کے فتنے میں مبتلا ہوئے اور جہنّم کے رستے پر چلنے لگے ، یہ عام دُنیوی حُسْن کی بات ہے ، قربان جائیے ! ہمارے آقا و مولا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  سب سے بڑھ کر حَسِیْن ہیں مگر آپ کا حُسْن ایسا نہیں ہے ، دُنیا کے حَسِیْن جہاں سے گزریں ، وہاں فتنے برپا ہو جاتے ہیں ، ہمارے آقا و مولا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  جہاں سے گزر فرمائیں ، وہاں ہدایت کا نور جگمگانے لگتا ہے ، رَبّ کائنات نے اپنے محبوب  صلی اللہ عَلَیْہِ وَ آلِہٖ وَسَلَّم  کا چہرۂ پُر نُوربنایا ہی ایسا ہے کہ جو بھی اس رُخِ زیبا کا دیدار کر لے اگر ازلی بدبخت نہ ہو تو کلمہ پڑھے بغیر رہ ہی نہیں سکتا۔  

شہزادۂ اعلیٰ حضرت ، مولانا مصطفےٰ رضا خان رَحمۃُ اللہ عَلَیْہ   فرماتے ہیں :

وہ حَسِیْں کیا جو فتنے اُٹھا کر چلے              ہاں حَسِیْں تم ہو فتنے مٹا کر چلے

رَبّ کے بندوں کو رَبّ سے مِلا کر چلے     جلوۂ حق وہ ہم کو دِکھا کر چلے

جگمگا ڈالیں گلیاں جدھر آئے وہ           جب چلے وہ تو کُوچے بسا کر چلے

کیسا تاریک دُنیا کو چمکا دیا                  سارے عالَم میں کیسی ضِیاکر چلے ^{( [1] )}

چہرہ پُر نُور دلیلِ نبوت ہے

اللہ پاک قرآنِ کریم میں فرماتا ہے :

یَّكَادُ زَیْتُهَا یُضِیْٓءُ وَ لَوْ لَمْ تَمْسَسْهُ نَارٌؕ-نُوْرٌ عَلٰى نُوْرٍؕ یَهْدِی اللّٰهُ لِنُوْرِهٖ مَنْ یَّشَآءُؕ    ( پارہ : 18 ، سورۂ نور : 35 )

ترجَمہ کنز الایمان : قریب ہے کہ اس کا تیل  بھڑک اُٹھے اگرچہ اُسے آگ نہ چُھوئے نور پر نور ہے