اور عُمر فاروق بھی !   جنّتی جنّتی             عُثمانِ غنی !           جنّتی جنّتی

فاطمہ اور علی !         جنّتی جنّتی             ہیں حَسَن حُسین بھی !   جنّتی جنّتی

والِدَیْنِ نبی !          جنّتی جنّتی             ہر زوجۂ نبی !          جنّتی جنّتی

اور ابو سُفیان بھی !    جنّتی جنّتی             ہیں مُعاویہ بھی !       جنّتی جنّتی

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

صحابہ کرام علیہم الرِّضْوَان  مِعْیَارِ ہدایت ہیں

دوسرے مقام پر اللہ پاک فرماتا ہے :

فَاِنْ اٰمَنُوْا بِمِثْلِ مَاۤ اٰمَنْتُمْ بِهٖ فَقَدِ اهْتَدَوْاۚ       ( پارہ : 1 ، سورۂ بقرہ : 137 )

ترجَمہ کنز الایمان : پھر اگر وہ بھی یونہی ایمان لائے جیسا تم لائے جب تو وہ ہدایت پا گئے۔

یعنی اے ہمارے محبوب صلی اللہ عَلَیْہِ وَ آلِہٖ وَسَلَّم  کے صحابہ ! قیامت تک جو بھی جِنّ یا انسان تمہاری طرح ایمان لائے ، مجھے ، میرے رسولوں کو ، میری کتابوں کو اس طرح مانے ، جیسے تم نے مانا ہے ، تب وہ ہدایت پر ہو گا ، اگر کوئی سب کچھ مانے مگر تمہاری طرح نہ مانے تو گمراہ کا گمراہ ہی رہے گا ، تم قیامت تک کے لئے ایمان کی کسوٹی ہو۔    ^{( [1] )}  

اللہ پاک کے محبوب نبی ، رسولِ ہاشمی ، مکی مدنی ، مُحَمَّدِ عربی صلی اللہ عَلَیْہِ وَ آلِہٖ وَسَلَّم  نے فرمایا : اَصْحَابِی کَالنُّجُوْم فَبِاِیِّھِمْ اِقْتَدَیْتُمْ اِہْتَدَیْتُمْ میرے صحابہ ستاروں کی مانند ہیں ، جس کی بھی پیروی کرو گے ، ہدایت پا جاؤ گے۔    ⁽ [2] ⁾