(3) : ذَبح کے لئے نَرْمِی سے لے جائیے !

ذَبیحہ پر رَحْم کی ایک صُورت یہ بھی ہے کہ جانور کو کھینچا نہ جائے ، گھسیٹا نہ جائے بلکہ ذَبح کے لئے نہایت نرمی سے لے جایا جائے۔ حضرت ابوسعید خدری  رَضِیَ اللہُ عنہ فرماتے ہیں : پیارے آقا ، مکی مدنی مصطفےٰ   صَلَّی اللہُ عَلَیْہ وَآلِہٖ وَسَلَّم  ایک شخص کے قریب سے گزرے ، وہ بکری کو کان سے پکڑ کر کھینچتے ہوئے لے جا رہا تھا ، رحمتِ دوعالَم ، نورِ  مُجَسَّم   صَلَّی اللہُ عَلَیْہ وَآلِہٖ وَسَلَّم  نے فرمایا : اس کا کان چھوڑ دو !  گردن کے قریب سے پکڑو !       ^([1])

مسلمانوں کے دوسرے خلیفہ حضرت عمر فاروقِ اعظم  رَضِیَ اللہُ عنہ نے ایک شخص کو دیکھا ، وہ  بکری کو ذَبْح کرنے کیلئے ٹانگ سے پکڑ کر گھسیٹتے ہوئے لے جا رہا تھا ، آپ نے فرمایا : تیرے لئے خرابی ہو !  اسے موت کی طرف اچّھے انداز میں لے کر جا... !  ^([2])

(4) : چُھری پہلے سے تیزکر لیجئے !

ذبیحہ کو آرام پہنچانے کی ایک صُورت سرورِ عالَم ، نورِ  مُجَسَّم   صَلَّی اللہُ عَلَیْہ وَآلِہٖ وَسَلَّم  نے یہ بیان فرمائی کہ  لِيُحِدَّ اَحَدُكُمْ شَفْرَتَهٗ تمہیں چاہئے کہ چھری تیز کر لو !

عُلَما فرماتے ہیں : جانور بھی موت سے ڈرتے ہیں ، اس لئے چاہئے کہ چھُری کو پہلے سے خُوب تیز کر لیا جائے ، عین ذَبح کے وقت سے پہلے انہیں چھری نہ دِکھائی جائے اور جب ذَبح کرنے لگیں تو تیزی سے چھری چلا کر جلدی جلدی ذَبح کر دیا جائے۔^([3])

رحمتِ دوجہاں ، سلطانِ کون و مکاں   صَلَّی اللہُ عَلَیْہ وَآلِہٖ وَسَلَّم  ایک آدمی کے قریب سے گزرے ،