Imam Shafi Ke Ala Ausaf

Al Quran Books Madani Channel

Magazine Courses Media

“ آلِ رسول “ میں شامِل ہیں۔ لہٰذا ہم جب نماز میں پڑھتے ہیں : اَللّٰہُمَّ صَلِّ عَلیٰ مُحَمَّدٍ وَ عَلیٰ آلِ مُحَمَّدٍ (اے اللہ پاک! محمد صَلَّی اللّٰهُ عَلَیْهِ وَ آلِهٖ وَ سَلَّمپر اور آپ کی آل پر رحمتیں نازِل فرما)توہماری اس دُعا میں امام شافعی رَحْمَةُ اللّٰهِ عَلَیْهبھی شامِل ہیں۔ ^{(^[1])}

❸ : حدیثِ پاک میں ہے : اِنَّ کُلَّ سَبَبٍ وَ نَسَبٍ یَنْقَطِعُ یَوْمَ الْقِیَامَۃِ اِلّا مَا کَان مِنْ نَسبِیْ وَ سَبَبِی روزِ قیامت ہر نسبی اور سسرالی رشتہ ٹوٹ جائے گا مگر وہ جومیرے نسب اور سُسرالی رشتے سے ہیں (اُن کا تعلق نہیں ٹوٹے گا)۔ ^{(^[2])}

سُبْحٰنَ اللہ! پیارے اسلامی بھائیو! یہ کیسی زبردست فضیلت ہے۔ روزِ قیامت جب نفسی نفسی کا عالَم ہو گا ، ماں بیٹے سے دُور بھاگے گی ، باپ اکلوتے بیٹے سے دامن چھڑائے گا ، بھائی بھائی سے دُوربھاگے گا ، دوست احباب سب اپنی اپنی فِکْر میں ہوں گے ، اس وقت کوئی نسبت ، کوئی رشتہ ، کوئی تعلق کام نہ آئے گا مگر قربان جائیے! ہمارے آقا و مولیٰ ، مُحَمَّد مصطفےٰ صَلَّی اللّٰهُ عَلَیْهِ وَ آلِهٖ وَ سَلَّم کا نسب مبارک اس وقت بھی قائِم ہو گا ، یہ مبارک نسب قیامت کی وَحْشَت میں کام آئے گا۔ امام شافعی رَحْمَةُ اللّٰهِ عَلَیْه چونکہ رسولِ اکرم ، نورِ مجسم صَلَّی اللّٰهُ عَلَیْهِ وَ آلِهٖ وَ سَلَّم کے ہم نَسَب ہیں لہٰذا روزِ قیامت امام شافعی رَحْمَةُ اللّٰهِ عَلَیْه بھی دامَنِ مصطفےٰ سے وابستہ ہوں گے ، اِنْ شَآءَ اللہُ الْکَرِیْم! امام شافعی رَحْمَةُ اللّٰهِ عَلَیْه کا نسب مبارک بھی اس وقت قائِم ہو گا اور قیامت کی ہولناکیوں میں کام آئے گا۔

آپ کی نسبت اے نانائے حُسَیْن! ہے بڑی دولت اے نانائے حُسَیْن!

[1]...مناقبِ امام شافعی للرازی ، صفحہ : 33۔

[2]...الشریعۃ للآجری ، جلد : 5 ، صفحہ : 2231 ، حدیث : 1713۔

Important

Mobile Apps

Contact Us