ځيلې نه بلكه غرونه پخپله ريزه ريزه شي او د مالوچو په شان به په هوا كښې خواره واره شي، ستوري به د باران په شان په زمكه راولويږي، سپوږمئ او لمَر به بےنوره شي، غټې غټې سيارے به په خپل مينځ كښې اولګي او ريزه ريزه به شي.

    غور اوكړئ! هغه وخت چې كومه زلزله راشي، آيا څوک د هغې د سختئ اندازه لګولے شي؟ آيا يوه سائنسي آله داسې شته چې د هغه زلزلے پيمائش اوكړي....؟ يقيناً بالکل نشته!!!

د قيامت د زلزلے د يو مثال وضاحت

    په غيبو باندې خبردار آقا صَلَّى اللهُ عَلَيْهِ وَاٰلِهٖ وَسَلَّم د قيامت د زلزلے د سختئ يو مِثال بيان کړے دے، د حديثِ پاك خلاصه ده: هغه وخت به د زمکې مثال داسې وي، لكه په سمُندر كښې چې يوه كشتئ وي، هغه كشتئ په طوفان كښې اونخښلي او د څلور واړو طرفو نه زوردارې طوفاني چپے راځي او د هغې كشتئ سره لګي او د كشتئ مُسافِر پړمخ راوليږي، په څومره زور سره چې هغه كشتئ جټكے خوري، د قيامت د زلزلے د راتلو په وخت کښې به زمكه هُم دغه شان ړقيږي.^[1]

 د قيامت د زلزلے تباهيانې

      په سيپاره 17، سورۀ حج، آيت: 1 او 2 كښې الله پاك ارشاد فرمائي:

اِنَّ زَلْزَلَةَ السَّاعَةِ شَیْءٌ عَظِیْمٌ(۱) یَوْمَ تَرَوْنَهَا تَذْهَلُ كُلُّ مُرْضِعَةٍ عَمَّاۤ اَرْضَعَتْ وَ تَضَعُ كُلُّ ذَاتِ حَمْلٍ حَمْلَهَا

(پ  ۱۷، الحج، آيت: ۱، ۲ )

ترجمہ کنز العرفان: بيشكه د قيامت زلزله ډير لوئي څيز دے، په کومه ورځ به چې ته هغه وينې (نو حالت به دا وي چې) هره پـئ وركوونكي به خپل د پئيو څښلو بچے هير كړي او هره حمل والا به خپل حمل اوغورزوي.